ກຳລັງຝ່າຍຄ້ານ ຊີຣີ ສ້າງຕັ້ງລັດຖະບານຊົ່ວຄາວ
ການແຫ່ຂະບວນປະທ້ວງຄັດຄ້ານທ່ານ ປະທານາທິບໍດີ Bashar al-Assad.
(ພາບປະກອບ)
(vovworld) – ວັນທີ 18/3, ກຳລັງຝ່າຍຄ້ານ ຊີຣີ ໄດ້ຈັດກອງປະຊຸມ ຢູ່ Istanbul, ປະເທດ ຕວກກີ ເພື່ອສ້າງຕັ້ງລັດຖະບານຊົ່ວຄາວ. ຜູ້ອອກສະໝັກຮັບເລືອກຕັ້ງ 12 ທ່ານໄດ້ເຂົ້າຮ່ວມການຫາສຽງເລືອກຕັ້ງເປັນນາຍົກລັດຖະມົນຕີ ຊົ່ວຄາວ ເຊິ່ງລວມມີ ບັນດາຊ່ຽວຊານເສດຖະກິດ, ບັນດານັກທຸລະກິດ ພ້ອມກັບອະດີດລັດຖະມົນຕີໃນຄະນະລັດບານ ຊີຣີ. ກ່າວຄຳເຫັນຕໍ່ວົງການນັກຂ່າວ, ສະມາຊິກຜູ້ໜຶ່ງ ຂອງ ສະຫະພັນ ຊົນຊາດຝ່າຍຄ້ານ ໃຫ້ຮູ້ວ່າ: ບົດບາດໜ້າທີ່ຕົ້ນຕໍ່ຂອງລັດຖະບານຊົ່ວຄາວ ແມ່ນ ຄວບຄຸມສະພາບການ, ສະໜອງໄຟຟ້າ, ນ້ຳ, ຂໍ້ມູນຂ່າວສານກໍ່ຄືຮັບປະກັນຄວາມປອດໄພໃຫ້ແກ່ປະຊາຊົນ ຊີຣີ. ຂໍ້ຕົກລົງສ້າງຕັ້ງລັດຖະບານຊົ່ວຄາວໄດ້ປະເຊີນໜ້າກັບການຄັດຄ້ານຢ່າງແຮງຈາກລັດຖະບານ ຊີຣີ ໃນທັນທີ. ສະມາຊິກຜູ້ໜຶ່ງຂອງລັດຖະບານ ຊີຣີ ຖືວ່າ: ກຳລັງຝ່າຍຄ້ານ ພວມສະໜັບສະໜູນບັນດາຜົນປະໂຫຍດຕ່າງປະເທດ ແລະ ພະຍາຍາມ ແບ່ງແຍກສະພາບການພາຍໃນ ຊີຣີ. ບາງປະເທດຄື: ອາເມລິກາ ແລະ ສະຫະປະຊາຊາດ ລ້ວນແຕ່ບໍ່ເຫັນດີເຫັນພ້ອມກັບເລື່ອງສ້າງຕັ້ງລັດຖະບານຊົ່ວຄາວຢູ່ ພາກພື້ນ ໂດຍຝ່າຍຄ້ານຄວບຄຸມ, ຍ້ອນຖືວ່າ ປະຈຸບັນ, ຊີຣີ ຄວນສຸມໃສ່ເຂົ້າໃນວິວັດການມອບໂອນດ້ານການເມືອງ.