“ຂໍ້ຕົກລົງເຊື່ອມຕໍ່ການພົວພັນລະຫວ່າງ ອີຣານ ແລະ ອາຣັບບິ ຊະອຸດິ ສາມາດສ້າງກຳລັງໜູນນຳມາເຊິ່ງສະຖຽນລະພາບ ແລະ ຜົນປະໂຫຍດໃຫ້ແກ່ພາກພື້ນ”. ນີ້ແມ່ນຄຳຖະແຫຼງຂອງກະຊວງການຕ່າງປະເທດ ອີຣານ ໃນວັນທີ 19 ມີນາ. ທ່ານ Nasser Kanaani ໂຄສົກກະຊວງການຕ່າງປະເທດ ອີຣານ ຖືວ່າ ຂໍ້ຕົກລົງເຊື່ອມຕໍ່ການພົວພັນລະຫວ່າງ ອີຣານ ແລະ ອາຣັບບິ ຊະອຸດິ ເປັນໜຶ່ງໃນບັນດາເຫດການສຳຄັນທີ່ສຸດກ່ຽວຂ້ອງເຖິງບັນດາປະເທດບ້ານໃກ້ເຮືອນຄຽງ ແລະ ຈະສວມບົດບາດສຳຄັນໃນການເຕົ້າໂຮມ, ພັດທະນາການຮ່ວມມືໃນພາກພື້ນ. ອີຣານ ຫວັງວ່າ ອະນາຄົດຂອງພາກພື້ນ ອາຊີຕາເວັນຕົກ ແລະ ເຂດອ່າວເປີເຊຍ ດ້ວຍທີ່ຕັ້ງພູມີສາດການເມືອງສຳຄັນ, ແຫຼ່ງພະລັງງານທີ່ອຸດົມສົມບູນ, ຊັບພະຍາກອນທຳມະຊາດ, ແຫຼ່ງງົບປະມານຫຼວງຫຼາຍ, ຈະນຳມາເຊິ່ງຄວາມວັດທະນາຖາວອນໃຫ້ແກ່ປະຊາຊົນໃນພາກພື້ນ.

        ທ່ານ Nasser Kanaani ຖືວ່າ ບັນດາປະເທດໃນພາກພື້ນ ຕ້ອງແກ້ໄຂບັນຫາທີ່ມີຄວາມແຕກຕ່າງກັນ ແລະ ບັນຫາໃນປັດຈຸບັນເພື່ອຜົນປະໂຫຍດຂອງແຕ່ລະຝ່າຍ ຜ່ານການສົນທະນາ, ເຄົາລົບເຊິ່ງກັນແລະກັນ ແລະ ເພີ່ມທະວີການຮ່ວມມືດ້ານຄວາມໝັ້ນຄົງລວມໝູ່, ພ້ອມທັງພ້ອມກັນຮັບມືກັບສິ່ງທ້າທາຍຕໍ່ຄວາມໝັ້ນຄົງ.

ງອັກແທກ - ນັກຂ່າວ VOV ປະຈຳ ອີຢິບ