(vovworld) - ກະຊວງການຄ້າ ອາເມລິກາ (DOC) ຫາກໍ່ປະກາດຄຳຕັດສິນໃນເບື້ອງຕົ້ນກ່ຽວກັບອັດຕາພາສີຕ້ານຊ່ວຍໜູນລາຄາສຳລັບຜະລິດຕະພັນກຸ້ງ, ກຸ້ງແຊເຢັນທີ່ນຳເຂົ້າຈາກ 7 ປະເທດ ໃນໂລກ, ໃນນັ້ນມີ ຫວຽດນາມ. ຕາມຄຳຕັດສິນໃນເບື້ອງຕົ້ນນີ້, ຜະລິດຕະພັນຂອງບໍລິສັດ ມິນກີ໋ ຖືກຈັດວາງອັດຕາພາສີ 5,08%, ບໍລິສັດ ຍາຈາງ Seafood ຖືກຈັດວາງອັດຕາພາສີ 7,05%... ປະຕິກິລິຍາຕໍ່ຄຳຕັດສິນດັ່ງກ່າວ, ທ່ານ ເຈືອງດິ່ງແຮວ, ເລຂາທິການໃຫຍ່ສະຫະສະມາຄົມຜະລິດປຸງແຕງ ແລະ ສົ່ງອອກສິນໃນນ້ຳ ຫວຽດນາມ (Vasep) ຖືວ່າ: ອັດຕາພາສີຕ້ານການຊ່ວຍໜູນລາຄາສຳລັບຜະລິດຕະພັນກຸ້ງ ເຊິ່ງ DOC ຫາກໍ່ປະກາດແມ່ນໄຮ້ເຫດຜົນ. ປະຈຸບັນ, DOC ພຽງແຕ່ອີງໃສ່ບັນດາຂໍ້ມູນ, ຂໍ້ຕົກລົງຂອງຫວຽດນາມ ໃນການຊ່ວຍໜູນພັດທະນາຂະແໜງສິນໃນນ້ຳເທົ່ານັ້ນຫາກບໍ່ແມ່ນ ມູນຫຼັກຖານພື້ນຖານຕົວຈິງ. ຕາມທ່ານ ເຈືອງດິ່ງແຮວ ແລ້ວ, ບັນດາວິສາຫະກິດຜະລິດປຸງແຕ່ງສົ່ງອອກສິນໃນນ້ຳ ຫວຽດນາມ ຈະສືບຕໍ່ຄັດຄ້ານຄຳຕັດສິນດັ່ງກ່າວ, ເພື່ອໃຫ້ DOC ຍົກອອກຫຼັກຄິດໄລ່ອັດຕາພາສີທີ່ເໝາະສົມໃຫ້ແກ່ວິສາຫະກິດ ຫວຽດນາມ.