ຄື້ນກະຈາຍສຽງເສີມຂະຫຍາຍບົດບາດເປັນຂົວຕໍ່ໃນການພົວພັນລະຫວ່າງຫວຽດນາມ ແລະ ອິນໂດເນເຊຍ
(VOVWORLD) - ເນື່ອງໃນໂອກາດສະເຫລີມສະຫລອງ 69 ປີແຫ່ງວັນສ້າງການພົວພັນທາງການທູດ ລະຫວ່າງ ຫວຽດນາມ ແລະ ອິນໂດເນເຊຍ, ຕອນເຊົ້າວັນທີ 27 ຕຸລາ ຢູ່ ຮ່າໂນ້ຍ, ວິທະຍຸກະຈາຍສຽງ ຫວຽດນາມ ໄດ້ສົມທົບກັບ ວິທະຍຸກະຈາຍສຽງ ອິນໂດເນເຊຍ ຈັດຕັ້ງ ການພົບປະສົນທະນາ “ຫວນຄືນ 69 ປີແຫ່ງວັນສ້າງການພົວພັນທາງການທູດ ລະຫວ່າງ ຫວຽດນາມ ແລະ ອິນໂດເນເຊຍ”
 ຜູ້ແທນເຂົ້າຮ່ວມການພົບປະສົນທະນາ. ພາບ: VOV |
ກ່າວຄຳເຫັນທີ່ການພົບປະສົນທະນາ, ທ່ານ Soeleman Yusuf, ຜູ້ອຳນວຍການ ວິທະຍຸກະຈາຍສຽງ ອິນໂດເນເຊຍ (VOI) ຊີ້ແຈ້ງວ່າ: ວິທະຍຸກະຈາຍສຽງ ອິນໂດເນເຊຍ (VOI) ແລະ ວິທະຍຸກະຈາຍສຽງຫວຽດນາມ (VOV) ໄດ້ມີການຮ່ວມມືໃນຂົງເຂດກະຈາຍສຽງມາເປັນເວລາຫລາຍປີ. ຜ່ານການພົບປະສົນທະນາຄັ້ງນີ້ ສອງຝ່າຍປາດຖະຫນາຢາກການພົວພັນລະຫວ່າງ ອິນໂດເນເຊຍ ແລະ ຫວຽດນາມ ຈະສະຫນິດຕິດພັນກວ່າອີກຜ່ານບັນດາລາຍການພົວພັນແລກປ່ຽນດ້ານວັດທະນະທຳ, ເສດຖະກິດ, ວິທະຍາສາດຜ່ານຄື້ນກະຈາຍສຽງຂອງສອງປະເທດ.
ທີ່ການພົບປະສົນທະນາ, ທ່ານນາງ ຝໍເກີ໊ມຮວາ, ຫົວຫນ້າ ພະແນກກະຈາຍສຽງບັນດາລາຍການພາສາຕ່າງປະເທດ(VOV5), ໃຫ້ຮູ້ວ່າ: ລາຍການພາກພາສາ ອິນໂດເນເຊຍ ແມ່ນຫນຶ່ງໃນຈຳນວນ 13 ລາຍການພາສາຕ່າງປະເທດ ໃນປະຈຸບັນຂອງພະແນກກະຈາຍສຽງບັນດາລາຍການພາສາຕ່າງປະເທດ, VOV ໄດ້ປະກອບສ່ວນບໍ່ແມ່ນຫນ້ອຍໃຫ້ແກ່ການແຜ່ຂະຫຍາຍການຖະແຫລງຂ່າວຕ່າງປະເທດມາຍັງບັນດາເພື່ອນມິດ ອິນໂດເນເຊຍ ໃນທົ່ວໂລກ. ການພົບປະສົນທະນາ ໄດ້ນຳມາໃຫ້ຜູ້ຟັງຜູ້ຊົມເຂົ້າໃຈໂດຍສັງເຂບກ່ຽວກັບການພົວພັນມິດຕະພາບລະຫວ່າງສອງປະເທດ ຫວຽດນາມ ແລະ ອິນໂດເນເຊຍ ແຕ່ປີ 1955.
 ທ່ານ Soeleman Yusuf ຜູ້ອຳນວຍການ ວິທະຍຸ ກະຈາຍສຽງ ອິນໂດເນເຊຍ (VOI). ພາບ: VOV
|