(vovworld) – ວັນທີ 10/1, ລັດຖະບານ ອິນເດຍ ຮຽກຮ້ອງໃຫ້ ອາເມລິກາ ຖອນເຈົ້າໜ້າທີ່ບາງທ່ານທີ່ດຳລົງຕຳແໜ່ງເທົ່າທຽມກັບຮອງຫົວໜ້າສະຖານກົງສູນໃຫຍ່ ອິນເດຍ ປະຈຳ ນິວຢອກ, ທ່ານນາງ Devyani Khobragade, ຜູ້ຖືກຈັບຕົວເມື່ອເດືອນ 12/2013 ຍ້ອນຖືກກ່າວຫາມີການສໍ້ໂກງດ້ານ ວີຊາ ແລະ ຫາກໍ່ກັບເມືອປະເທດເມື່ອວັນທີ 09/01.
ກ່າວຄຳເຫັນຕໍ່ວົງການນັກຂ່າວພາຍຫຼັງການກະທຳນີ້ຂອງ ອິນເດຍ, ໂຄສົກກະຊວງການຕ່າງປະເທດ ອາເມລິກາ ທ່ານນາງ Jen Psaki ຮັບຮູ້ເລື່ອງ ອິນເດຍ ຕັດສິນເນລະເທດເຈົ້າໜ້າທີການທູດ ອາເມລິກາ ແລະ ສະແດງຄວາມ “ເສຍດາຍ” ເມື່ອ New Delhi ຖືເລື່ອງ ເນລະເທດນີ້ແມ່ນຈຳເປັນ. ຄາດວ່າ, ເຈົ້າໜ້າທີ່ ອາເມລິກາ ຖືກເນລະເທດຈະເດີນທາງອອກຈາກ ອິນເດຍ ໃນຮອບເວລາ 48 ຊົ່ວໂມງຕາມຄຳຮຽກຮ້ອງຂອງ New Delhi. ປະຈຸບັນ, ຊື່ຂອງເຈົ້າໜ້າທີຜູ້ນີຍັງບໍ່ທັນເປີດເຜີຍເທື່ອ. ທ່ານນາງ Psaki ເນັ້ນໜັກວ່າ: ການພົວພັນທາງການທູດລະຫວ່າງ ອາເມລິກາ - ອິນເດຍ ພວມຢູ່ໃນໄລຍະຮັບສິ່ງທ້າທາຍ ແລະ ອຳນາດການປົກຄອງ ອາເມລິກາ ຈະ ສືບຕໍ່ຊອກຫາມາດຕະການເພື່ອຫລຸດຜ່ອນຄວາມເຄັ່ງຕຶງໃນການພົວພັນລະຫວ່າງ 2 ປະເທດ, ພ້ອມທັງຫວັງວ່າເຫດການນີ້ຈະສິ້ນສຸດລົງໂດຍໄວ. ທ່ານນາງກໍ່ສະແດງຄວາມຫວັງຢາກ ອິນເດຍ ມີບັນດາບາດກ້າວສຳຄັນພ້ອມກັບ ອາເມລິກາ ປັບປຸງການພົວພັນຍຸດທະສາດນີ້.