ຮູບພາບຢູ່ບ່ອນທີ່ເກີດສຽງລະເບີດຢູ່ທາງທິດຕາເວັນຕົກ ນະຄອນຫລວງ ເຕເຮຣານ, ອີຣານ ໃນຮຸ່ງເຊົ້າວັນທີ 26/10/2024. ພາບ: Jerusalem Post/TTXVN

ຕາມສື່ມວນຊົນ ອີຣານແລ້ວ, ໄດ້ຍິນຫລາຍສຽງລະເບີດໃຫຍ່ຈາກທິດຕາເວັນຕົກຂອງ ນະຄອນຫລວງ Tehran ໃນຮຸ່ງເຊົ້າວັນທີ 26 ຕຸລາ.  ພາຍຫລັງເຫດດັ່ງກ່າວ, ກອງທັບ ອິດສະຣາແອນ ໄດ້ຍອມຮັບຢ່າງເປັນທາງການວ່າ ພວມປະຕິບັດ “ບັນດາການບຸກໂຈມຕີຢ່າງຊັດເຈນ” ເພື່ອເລັ່ງໃສ່ບັນດາເປົ້າໝາຍການທະຫານ ຢູ່ ອີຣານ. ຕາມຖະແຫລງການແລ້ວ, ນີ້ແມ່ນການກະທຳໂຕ້ຕອບ ພາຍຫລັງຫລາຍເດືອນຖືກລະບອບ ອີຣານ ບຸກໂຈມຕີຢ່າງລຽນຕິດໃສ່ ລັດ ອິດສະຣາແອນ. ສື່ມວນຊົນ ອາເມລິກາ ໃຫ້ຮູ້ວ່າ: ອຳນາດການປົກຄອງ Tel Aviv ໄດ້ແຈ້ງໃຫ້ ວໍຊິງຕັນ ກ່ອນທີ່ທຳການບຸກໂຈມຕີ.

ແລະກໍ່ໃນຕອນເຊົ້າວັນດຽວກັນ, ສື່ມວນຊົນ ຊີຣີ ໃຫ້ຮູ້ວ່າ: ລະບົບປ້ອງກັນອາກາດຂອງ ກອງທັບ ຊີຣີ ໄດ້ທຳການໂຕ້ຕອບບັນດາການບຸກໂຈມຕີ ທາງອາກາດຂອງ ອິດສະຣາແອນ ເລັ່ງໃສ່ເຂດອ້ອມແອ້ມນະຄອນຫລວງ Damascus . ຕາມປະຊາຊົນທີ່ດຳລົງຊີວິດຢູ່ ທາງທິດຕາເວັນຕົກ ນະຄອນຫລວງ Damascus ແລ້ວ, ບັ້ນບຸກໂຈມຕີທາງອາກາດຂອງ ອິດສະຣາແອນ ໃນຮຸ່ງເຊົ້າວັນທີ 26 ຕຸລາ ແມ່ນຮ້າຍແຮງທີ່ສຸດໃນຫລາຍເດືອນຜ່ານມາ.

                                                                     ນັກຂ່າວ  VOV ປະຈຳ ອີຢີບ