(vovworld) - ວັນທີ 18/02, ຄະນະກຳມະການຕ້ານການສໍ້ລາດບັງຫຼວງໄທ (NACC) ແຈ້ງວ່າ ໄດ້ຮ້ອງຟ້ອງທ່ານນາງນາຍົກລັດຖະມົນຕີຊົ່ວຄາວ ຍິງຣັກ ຊິນນະວັດ ທີ່ກ່ຽວເຖິງບັນດາຄຳກ່າວຫາຂາດຄວາມຮັບຜິດຊອບ ແລະ ເຮັດຝືນກັບຫຼັກການໃນນະໂຍບາຍເກັບຊື້ເຂົ້າສານຂອງລັດຖະບານ. ນອກຈາກນັ້ນ, NACC ໄດ້ຮຽກຕົວທ່ານນາງຍິງຣັກ ມາເພື່ອສໍ້ຖາມດ້ວຍບັນດາຄຳກ່າວຫາດັ່ງກ່າວໃນວັນທີ 27/02. ຕາມ NACC ແລ້ວ, ທ່ານນາງຍິງຣັກ ບໍ່ສົນໃຈເຖິງບັນດາຄຳກ່າວເຕື່ອນທີ່ກ່ຽວຂ້ອງເຖິງສະພາບສໍ້ລາດບັງຫຼວງໃນວິວັດການຜັນຂະຫຍາຍນະໂຍບາຍອຸດໝູນລາຄາເຂົ້າສານ, ກໍ່ຄືຄວາມເສຍຫາຍເຊິ່ງລາຍການນີ້ອາດຈະກໍ່ຂຶ້ນ. ຖ້າຫາກພົບເຫັນມີການກະທຳຜິດ, ທ່ານນາງ ຍິງຣັກ ອາດຈະຕ້ອງລາອອກຈາກຕໍາແໜ່ງ.