(vovworld) - ຕອນເຊົ້າວັນທີ 15/01, ໂດຍສືບຕໍ່ກອງປະຊຸມຄັ້ງທີ 14, ຄະນະປະຈຳສະພາແຫ່ງຊາດໄດ້ປຶກສາຫາລືບັນດາບັນຫາໃຫຍ່ທີ່ຍັງມີຄວາມເຫັນແຕກຕ່າງກັນຂອງຮ່າງກົດໝາຍວ່າດ້ວຍການປ້ອງກັນ, ຫຼີກລ້ຽງ, ຫຼຸດຜ່ອນໄພທຳມະຊາດ; ຮ່າງກົດໝາຍວ່າດ້ວຍວິທະຍາສາດ ແລະ ເຕັກໂນໂລຊີ (ສະບັບປັບປຸງ). ທີ່ການປຶກສາຫາລືກ່ຽວກັບຮ່າງກົດໝາຍວ່າດ້ວຍການປ້ອງກັນ, ຫຼີກລ້ຽງ, ຫຼຸດຜ່ອນໄພທຳມະຊາດ, ມີຄຳເຫັນຫຼາຍຂໍ້ເປັນເອກະພາບນຳກັນກ່ຽວກັບຄວາມຈຳເປັນສ້າງຕັ້ງກອງທຶນປ້ອງກັນ, ຫຼີກລ້ຽງໄພທຳມະຊາດ ບົນພື້ນຖານກອງທຶນປ້ອງກັນ, ຕ້ານໄພນ້ຳຖ້ວມ, ພະຍຸໃນປະຈຸບັນ. ທ່ານນາງ ເຈືອງທິມາຍ, ຫົວໜ້າກຳມາທິການບັນດາບັນຫາສັງຄົມຂອງສະພາແຫ່ງຊາດໄດ້ສະເໜີວ່າ: ຮ່າງກົດໝາຍຕ້ອງກຳນົດຢ່າງຈະແຈ້ງແຫຼ່ງເງິນ, ກົນໄກຄຸ້ມຄອງ, ການນຳໃຊ້ກອງທຶນ ກໍຄືຂ້ໍກຳນົດທີ່ມີຕໍ່ເປົ້າໝາຍ ແລະ ລະດັບການປະກອບ, ເລື່ອງຄຸ້ມຄອງ, ນຳໃຊ້, ການຊຳລະສະຫຼຸບກອງທຶນປ້ອງກັນ, ຕ້ານໄພທຳມາຊາດ. ກ່ຽວກັບຮ່າງກົດໝາຍວ່າດ້ວຍວິທະຍາສາດ ແລະ ເຕັກໂນໂລຊີ (ສະບັບປັບປຸງ), ບັນຫາເຊິ່ງຄະນະປະຈຳສະພາແຫ່ງຊາດສຸມໃສ່ໃຫ້ຄຳເຫັນນັ້ນແມ່ນ ກົນໄກການເງິນໃຫ້ແກ່ວິທະຍາສາດ, ເຕັກໂນໂລຊີ. ມີຄຳເຫັນຫຼາຍຂໍ້ໄດ້ເຫັນດີຕໍ່ການກຳນົດການລົງທຶນໜ້ອຍຊຸສຸດແມ່ນ 2% ຈຳນວນງົບປະມານແຫ່ງລັດທີ່ສະຫງວນໃຫ້ແກ່ຂົງເຂດວິທະຍາສາດ - ເຕັກໂນໂລຊີ ແລະ ລະດັບການລົງທຶນນີ້ຈະຄ່ອຍໆເພີ່ມຂຶ້ນຕາມຄວາມຕ້ອງການພັດທະນາຢູ່ແຕ່ລະໄລຍະ. ເພື່ອແກ້ໄຂຊໍ້ຕິດຂັດຕົ້ນຕໍ່ຄືປະຈຸບັນໃນການເຄື່ອນໄຫວດ້ານວິທະຍາສາດ, ເຕັກໂນໂລຊີແມ່ນກົນໄກການເງິນ, ຄະນະປະຈຳສະພາແຫ່ງຊາດສະເໜີວ່າ: ຕ້ອງກຳນົດຢ່າງລະອຽດໜ້າທີ່ຮັບຜິດຊອບຂອງບັນດາກະຊວງ, ຂະແໜງການ ໃນການຈັດແບ່ງ ແລະ ຄຸ້ມຄອງແຫຼ່ງງົບປະມານທີ່ສະຫງວນໃຫ້ແກ່ຂົງເຂດວິທະຍາສາດ, ເຕັກໂນໂລຊີ; ນຳໃຊ້ກົນໄກໃຊ້ຈ່າຍແບບມອບເໝົາໃຫ້ແກ່ບັນດາການເຄື່ອນໄຫວວິທະຍາສາດ, ເຕັກໂນໂລຊີທີ່ນຳໃຊ້ແຫຼ່ງງົບປະມານແຫ່ງລັດ.