(vovworld) - ໂດຍໄດ້ຮັບຄຳເຊີນຈາກຄະນະບໍລິຫານງານສູນກາງພັກກອມມູນິດຈີນ, ຄະນະຜູ້ແທນພັກກອມມູນິດຫວຽດນາມ ໂດຍທ່ານ ໂງວັນຢຸ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະກວດກາສູນກາງນຳໜ້າ ໄດ້ໄປຢ້ຽມຢາມ ແລະ ເຮັດວຽກຢູ່ຈີນ ແຕ່ວັນທີ 23/04. ທີ່ການເຈລະຈາ, ທ່ານ ຫວາງຈີຊານ ກຳມະການຜູ້ປະຈຳການກົມການເມືອງສູນກາງພັກ, ເລຂາຄະນະກວດກາປະຕິບັດວິໄນສູນກາງພັກກອມມູນິດຈີນ, ຢືນຢັນວ່າ ຍາມໃດພັກ, ລັດຖະບານ ແລະ ປະຊາຊົນຈີນ ກໍຖືການພັດທະນາການພົວພັນກັບຫວຽດນາມ ເປັນສຳຄັນ ແລະ ປາດຖະໜາວ່າ ຢາກພ້ອມກັບ ຫວຽດນາມ ພັດທະນາສາຍພົວພັນມິດຕະພາບອັນເປັນມູນເຊື້ອຍິ່ງກວ່າອີກ ເພື່ອຜົນປະໂຫຍດຂອງປະຊາຊົນ 2 ປະເທດ.
ສ່ວນທ່ານ ໂງວັນຢຸ ໄດ້ຝາກຄຳຢື້ຢາມຖາມຂ່າວຂອງພັກ ແລະ ປະຊາຊົນຫວຽດນາມ ເຖິງຜູ້ປະສົບເຄາະຮ້າຍໃນເຫດແຜນດິນໄຫວຢູ່ແຂວງເຊຊວນ ທ່ີຜ່ານມາ ແລະ ສະແດງຄວາມເຊື່ອໝັ້ນວ່າ ພາຍໃຕ້ການນຳພາຂອງພັກກອມມູນິດຈີນ, ປະຊາຊົນຈີນ ຈະຜ່ານຜ່າຄວາມຫຍຸ້ງຍາກ, ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ, ຟື້ນຟູຊີວິດການເປັນຢູ່ຂອງປະຊາຊົນຢູ່ເຂດປະສົບເຄາະຮ້າຍເປັນປົກກະຕິ. ທ່ານ ໂງວັນຢຸ ເນັ້ນໜັກວ່າ ຍາມໃດພັກ, ລັດຖະບານ ແລະ ປະຊາຊົນຫວຽດນາມ ກໍຖືການພົວພັນຮ່ວມມືຍຸດທະສາດຮອບດ້ານ ລະຫວ່າງຫວຽດນາມ ແລະ ຈີນ ຢ່າງສະເໝີຕົ້ນສະເໝີປ່າຍ.