ທ່ານ ຟ້າມແອງຕ໋ວນ, ຮອງຫົວໜ້າຄະນະຮັບຜິດຊອບວຽກງານການເມືອງສູນກາງ
(ພາບ: tienphong.vn)
(vovworld) – ວັນທີ 1/2, ຄະນະຮັບຜິດຊອບວຽກງານການເມືອງສູນກາງເລີ່ມເຄື່ອນໄຫວ. ທີ່ກອງປະຊຸມຜັນຂະຫຍາຍກົດໝາຍສະບັບປັບປຸງ ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍຕ້ານການສໍ້ລາດບັງຫຼວງຫວ່າງແລ້ວນີ້, ທ່ານ ຟ້າມແອງຕ໋ວນ, ຮອງຫົວໜ້າຄະນະຮັບຜິດຊອບວຽກງານການເມືອງສູນກາງ, ໃຫ້ຮູ້ວ່າ, ຄະນະຮັບຜິດຊອບວຽກງານການເມືອງສູນກາງແມ່ນອົງການສັງກັດຂອງຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ລາດບັງຫຼວງ. ຄະນະນີ້ໂດຍກົມການເມືອງສ້າງຕັ້ງຂຶ້ນ, ທ່ານເລຂາທິການໃຫຍ່ພັກກອມມູນິດຫວຽດນາມເປັນຫົວໜ້າຄະນະ, ເຊິ່ງຈະຮັບຜິດຊອບຕໍ່ກົມການເມືອງ, ຄະນະເລຂາໃນການຊີ້ນຳ, ການປະສານສົມທົບ, ການກວດກາ ແລະ ເລັ່ງລັດການເຄື່ອນໄຫວປ້ອງກັນ, ຕ້ານການສໍ້ລາດບັງຫຼວງໃນທົ່ວປະເທດ. ທ່ານ ຟ້າມແອງຕ໋ວນ, ໃຫ້ຮູ້ວ່າ:
“ກ່ຽວກັບບົດບາດໜ້າທີ່, ຄະນະຮັບຜິດຊອບວຽກງານການເມືອງສູນກາງ ແມ່ນອົງການເປັນເສນາທິການຂອງຄະນະບໍລິຫານງານສູນກາງ, ເຊິ່ງໂດຍກົງແມ່ນກົມການເມືອງ, ຄະນະເລຂາ ກ່ຽວກັບແຜນນະໂຍບາຍ ແລະ ບັນດານະໂຍບາຍໃຫຍ່ທີ່ຂຶ້ນກັບວຽກງານການເມືອງ ແລະ ປ້ອງກັນ, ຕ້ານການສໍ້ລາດບັງຫຼວງ. ດ້ວຍບົດບາດໜ້າທີ່ນັ້ນ, ກົມການເມືອງກໍ່ຕົກລົງ 6 ໝວດໜ້າທີ່ພືນຖານໃຫ້ຄະນະຮັບຜິດຊອບວຽກງານການເມືອງສູນກາງ“