( ພາບ: http://www.tuyengiao.vn )
( VOV World ) ຕອນເຊົ້າວັນທີ 31 ມັງກອນຢູ່ ຮ່າໂນ້ຍ, ຄະນະໂຄສະນາສຶກສາສູນກາງໄດ້ຈັດກອງປະຊຸມສື່ມວນຊົນຕົ້ນລະດູບານໃໝ່. ກ່າວຄຳເຫັນນະທີ່ນີ້, ທ່ານ ດິງເທ໋ຮຸຽງ ຫົວນະຄະນະໂຄສະນາສຶກສາສູນກາງຊີ້ນຳວ່າ, ໃນປີໃໝ່ 2012 ສື່ມວນຊົນໃນທົ່ວປະເທດສຸມໃສ່ເຂົ້າບັນດາໜ້າທີ່ການເມືອງເຊິ່ງຈຸດສຸມນັ້ນແມ່ນ, ໂຄສະນາ, ນຳເນື້ອໃນບັນດາມະຕິ, ເອກະສານຂອງພັກ, ໂດຍສະເພາະແມ່ນມະຕິກອງປະຊຸມສູນກາງຄັ້ງທີ 4 ກ່ຽວກັບບັນຫາກໍ່ສ້າງພັກເຂົ້າໃນຊີວິດ, ຍຸແຮງບັ້ນຂົນຂວາຍ “ ຮໍ່າຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານ ໂຮ່ຈິມິງ ”, ໂຄສະນາໃຫ້ແກ່ວຽກງານພາຍໃນ ແລະ ຕ່າງປະເທດ, ສ້າງກົດໝາຍ, ໃນນັ້ນສຳຄັນກວ່າໝູ່ແມ່ນການປັບປຸງລັດຖະທຳມະນູນຂອງປະເທດ, ຍູ້ແຮງບັນດາຂະບວນການຜະລິດພັດທະນາເສດຖະກິດສັງຄົມ, ຕົ້ນຕໍ່ແມ່ນໃນລະດູໜາວຕໍ່ລະດູບານໃໝ່ຢູ່ບັນດາເຂດແຄ້ວນ… ໃຫ້ຂໍ້ສັງເກດວ່າປີ 2012 ຍັງປະສົບກັບຄວາມຫຍຸ້ງຍາກຫຼາຍຢ່າງ, ທ່ານ ດິງເທ໋ຮຸຽງ ໄດ້ສະເໜີວ່າ, ໂດຍແມ່ນກຳລັງທີ່ມີບົດບາດນຳໜ້າໃນວຽກງານໂຄສະນາ, ສື່ມວນຊົນທົ່ວປະເທດຈົ່ງຕັ້ງໜ້າ, ເປັນເຈົ້າການໃນການໂຄສະນາທຸກດ້ານໃຫ້ມີຄຸນນະພາບ ແລະ ມີປະສິດທິຜົນສູງໃນປີ 2012, ມຸ່ງໄປເຖິງສະເຫຼີມສະຫຼອງວັນສ້າງຕັ້ງພັກຄືວັນທີ 3 ກຸມພາຕິດພັນກັບການປະຕິບັດມະຕິກອງປະຊຸມສູນກາງຄັ້ງທີ 4, ບັນດາມາດຕະການປະຕິບັດປີປອດໄພທາງຄົມມະນາຄົມແຫ່ງຊາດ 2012, ໂຄສະນາແນະນຳບັນດາການເຄື່ອນໄຫວໃນງານບຸນທີ່ສີວີໄລ ແລະ ເຂັ້ນຂົ້ນໄປດ້ວຍສີສັນຊາດ, ຕຳນິຕິຕຽນປະກົດການທີ່ຫຍໍ້ທໍ້…