ງານພົບປະແລກປ່ຽນ ສະແດງສິລະປະ “ລະດູບານໃໝ່ຂອງນ້ອງ”
(ງານພົບປະແລກປ່ຽນສະແດງສິລະປະ “ລະດູບານໃໝ່ຂອງນ້ອງ”)
(vovworld) - ງານພົບປະແລກປ່ຽນສະແດງສິລະປະ “ລະດູບານໃໝ່ຂອງນ້ອງ” ດຳເນີນໄປໃນຕອນຄໍ່າວັນທີ 11/01, ຢູ່ຮ່າໂນ້ຍ, ງານພົບປະໂດຍກະຊວງແຮງງານ - ທະຫານເສຍອົງຄະ ແລະ ສັງຄົມ, ກອງທຶນປົກປ້ອງເດັກຫວຽດນາມ ຈັດຕັ້ງປະຈຳປີ, ເພື່ອແນໃສ່ຕອບບຸນແທນຄູນບັນດານັກອຸປະຖຳ ທີ່ໄດ້ມີການປະກອບສ່ວນເຂົ້າໃນບັນດາການເຄື່ອນໄຫວຂອງກອງທຶນປົກປ້ອງເດັກຫວຽດນາມຢ່າງຕັ້ງໜ້າ, ພ້ອມທັງຮຽກຮ້ອງການສະໜັບສະໜູນນັບທັງທາງດ້ານວັດຖຸ ແລະ ຈິດໃຈຂອງບັນດາອົງການ, ສ່ວນບຸກຄົນ, ວິສາຫະກິດທັງຢູ່ພາຍໃນ ແລະ ຕ່າງປະເທດ ທີ່ຊ່ວຍເຫຼືອເດັກທຸກຍາກ, ເດັກປະສົບກັບຄວາມຫຍຸ້ງຍາກໄດ້ຮັບຂອງຂວັນມີຄວາມໝາຍເມື່ອບຸນປີໃໝ່ວຽນມາ. ທີ່ງານພົບປະ, ກອງທຶນປົກປ້ອງເດັກຫວຽດນາມ ໄດ້ຮັບຈຳນວນເງິນປະທານ 150 ຕື້ດົງ ຈາກ ເກືອບ 50 ອົງການ ແລະ ສ່ວນບຸກຄົນ. ທ່ານນາງ ຟ້າມທິຫາຍຈ່ວຽນ, ລັດຖະມົນຕີກະຊວງແຮງງານ, ທະຫານເສຍອົງຄ້າ ແລະ ສັງຄົມ ເນັ້ນໜັກວ່າ.
“ເດັກນ້ອຍຫວຽດນາມ ນັບມື້ນັບໄດ້ຮັບການປົກປ້ອງ ແລະ ເບິ່ງແຍງດູແລຢ່າງຄົບຖ້ວນກວ່າ. ແຕ່ວ່າຍັງມີເດັກນ້ອຍສ່ວນໜຶ່ງທີ່ປະສົບກັບຄວາມຫຍຸ້ງຍາກເປັນພິເສດ, ເດັກທຸກຍາກ, ເດັກພິການ, ເດັກຢູ່ເຂດພູດອຍ, ເດັກຢູ່ເຂດຫ່າງໄກຊອກຫຼີກພວມປະສົບກັບຄວາມຫຍຸ້ງຍາກເປັນພິເສດ. ໂຄງການເພື່ອແນໃສ່ຍົກສູງສະຕິຮັບຮູ້ໃຫ້ທົ່ວສັງຄົມທີ່ມີຕໍ່ວຽກງານສຶກສາ, ເບິ່ງແຍງ ແລະ ປົກປ້ອງເດັກ, ໂຄງການກໍ່ເພື່ອເຊີດຊູບັນດາຜູ້ໃຈບຸນໃຈກຸສົນ” ໄດ້ສຸດຈິດສຸດໃຈເພື່ອເດັກນ້ອຍ, ໄດ້ມີການປະກອບໃຫ້ກອງທຶນປົກປ້ອງເດັກຫວຽດນາມ ເພື່ອເບິ່ງແຍງດູແລໃຫ້ເດັກປະສົບກັບຄວາມຫຍຸ້ງຍາກເປັນພິເສດ”.