(vovworld) - ຕອນເຊົ້າວັນທີ 17/7, ຢູ່ ຮ່າໂນ້ຍ, ໄດ້ຈັດໃຫ້ມີການໂອ້ລົມສົນທະນາ ”ງານພົບປະແລກປ່ຽນ, ແບ່ງປັນບົດຮຽນໃນການເຄື່ອນໄຫວມິດຕະພາບປະຊາຊົນຫວຽດນາມ - ລາວ” ໃນໂອກາດການທີ່ຄະນະຜູ້ແທນປະຊາຊົນລາວມາຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການໂອ້ລົມສົນທະນາ, ຜູ້ຕ່າງໜ້າສະຫະພັນບັນດາອົງການມິດຕະພາບ ຫວຽດນາມ - ລາວ, ລາວ - ຫວຽດນາມ ຢູ່ທ້ອງຖີ່ນຕ່າງໆຂອງສອງປະເທດ ໄດ້ປະກອບຄວາມເຫັນກ່ຽວກັບວຽກງານການຕ່າງປະເທດລະຫວ່າງແຂວງຕ່າງໆຂອງຫວຽດນາມ ແລະ ລາວໃນໄລຍະຜ່ານມາ; ແບ່ງປັນໃນການເພີ່ມທະວີການຮ່ວມມື, ພົບປະແລກປ່ຽນຄະນະຜູ້ແທນບົດຮຽນທຸກຂັ້ນລະຫວ່າງທ້ອງຖີ່ນຕ່າງໆ, ເພື່ອແນໃສ່ຍົກສູງສະຕິຄວາມຮັບຮູ້ກ່ຽວກັບຄວາມໝາຍ, ຄວາມສຳຄັນຂອງສາຍພົວພັນສາມັກຄີມິດຕະພາບ ແລະ ການຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງປະເທດ. ທ່ານປະທານສະຫະພັນບັນດາອົງການມິດຕະພາບຫວຽດນາມ, ສະມາຄົມ ມິດຕະພາບ ຫວຽດນາມ - ລາວ, Vu Xuan Hong ຊີ້ແຈງວ່າ:
”ໃນຊຸມປີຜ່ານມາ, ດ້ວຍການພັດທະນາສາຍພົວພັນມິດຕະພາບ, ການຮ່ວມມືລະຫວ່າງຫວຽດນາມ ແລະ ລາວ, ບັນດາສະມາຄົມ ໄດ້ມີບົດຮຽນອັນລ້ຳຄ່າ, ມີພຶດຕິກຳຕົວຈິງ, ແລະ ປະສິດທິຜົນຫຼາຍຢ່າງໃນການ ຈັດຕັ້ງ, ຊ່ວຍເຫຼືອປະຊາຊົນຫວຽດນາມ ແລະ ປະຊາຊົນລາວ ເຄື່ອນໄຫວປັບປຸງນ້ຳໃຈມິດຕະພາບຢ່າງຮອບດ້ານ, ບໍລິສຸດຜຸດຜ່ອງ. ນີ້ແມ່ນວຽກງານທີ່ມີຄວາມສຳຄັນຍິ່ງ ເພາະວ່າຊັບສົມບັດອັນລ້ຳຄ່າໂດຍລຸ້ນກ່ອນປະໄວ້ນັ້ນ ແມ່ນສາຍພົວພັນທີ່ເປັນມູນເຊື້ອ, ມັນຕັດສິນຊາຕະກຳຂອງທັງສອງປະເທດ, ເພື່ອພ້ອມກັນກ້າວຂຶ້ນ”.