(vovworld)- ງານວາງສະແດງ ບັນດາພະຍານຫຼັກຖານປະຫວັດສາດ ແລະ ນິຕິທຳຂອງໝູ່ເກາະຮວ່າງຊາ ແລະ ເຈື່ອງຊາ ໄດ້ດຳເນີນໃນລະຫວ່າງວັນທີ 14 -18/1 ຢູ່ນະຄອນລ້າງເຊີນ. ບັນດາເອກະສານ, ວັດຖຸພັນທີ່ນຳມາວາງສະແດງໃນຄັ້ງນີ້ ແມ່ນພາກສ່ວນໜຶ່ງຂອງພະຍານຫຼັກຖານປະຫວັດສາດ ແລະ ນິຕິທຳທີ່ໄດ້ຮັບເອົາຢູ່ພາຍໃນປະເທດ ແລະ ບັນດາປະເທດອື່ນໃນໂລກ, ໃນນັ້ນມີທັງ ຮັບເອົາຈາກປະເທດຈີນ, ປະກອບສ່ວນຢັ້ງຢືນອະທິປະໄຕຂອງຫວຽດນາມສຳລັບໝູ່ເກາະຮວ່າງຊາ ແລະ ເຈື່ອງຊາ. ງານວາງສະແດງ ເພື່ອແນໃສ່ຍົກສູງນ້ຳໃຈສາມັກຄີ, ສະຕິຄວາມຮັບຜິດຊອບຂອງປະຊາຊົນພາຍໃນປະເທດ ແລະ ຊາວຫວຽດນາມອາໄສຢູ່ຕ່າງປະເທດ ເຂົ້າໃນພາລະກິດປົກປັກຮັກສາອະທິປະໄຕທະເລ, ໝູ່ເກາະຂອງປະເທດຊາດ. ພ້ອມທັງຊ່ວຍໃຫ້ເພື່ອນມິດສາກົນ, ໃນນັ້ນມີທັງປະຊາຊົນຈີນ ມີຄວາມເຂົ້າໃຈໄດ້ເຖິງຄວາມຈິງຂອງປະຫວັດສາດ ແລະ ມີຄວາມເຂົ້າໃຈເຖິງຄວາມມຸ່ງໝາດປາດຖະໜາອັນຊອບທຳຂອງປະຊາຊົນຫວຽດນາມ ໃນການປົກປັກຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ ແລະ ໃນພາກພື້ນເພື່ອພັດທະນາປະເທດຊາດ.