ງານໂຮມຊຸມນຸມສະເຫຼີມສະຫຼອງມູນເຊື້ອສຳພັນສູ້ຮົບ
(ພາບ: nhandan.com.vn)
(vovworld) - ຕອນເຊົ້າວັນທີ 12/12, ຢູ່ ບ້ານດົງ, ເມືອງ ເຊໂປນ, ແຂວງສະຫວັນນະເຂດ ໄດ້ດຳເນີນງານໂຮມຊຸມນຸມສະເຫຼີມສະຫຼອງມູນເຊື້ອສຳພັນສູ້ຮົບ, ການພົວພັນແບບພິເສດ ແລະ ສະຫຼຸບການເສັງ ”ຊອກຮູ້ປະຫວັດສາຍພົວພັນແບບພິເສດຫວຽດນາມ - ລາວ, ລາວ - ຫວຽດນາມ”. ກ່າວຄວາມເຫັນທີ່ພິທີ, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາ, ຫົວໜ້າຄະນະຊີ້ນຳແຫ່ງຊາດ, ສະເຫຼີມສະຫຼອງປີສາມັກຄີມິດຕະພາບຫວຽດນາມ - ລາວ, ລາວ - ຫວຽດນາມ, ຊີ້ແຈ້ງວ່າ:
(ທ່ານ ເລຮົ່ງແອງ, ກຳມະການກົມການເມືອງ
ກ່າວຄວາມເຫັນທີ່ພິທີ)
”ເຖິງວ່າສະພາບການໂລກ ແລະ ພາກພື້ນພວມມີການປ່ຽນແປງກໍ່ຕາມ, ແຕ່ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ - ລາວ ຍາມໃດກໍ່ຮັບການປັບປຸງ ແລະ ມີບາດກ້າວພັດທະນາຢ່າງບໍ່ຢຸດຢັ້ງ, ນັບມື້ນັບກ້າວເຂົ້າສູ່ລວງເລິກ, ແທດຈິ່ງ ແລະ ມີປະສິດທິຜົນໃນທຸກຂົງເຂດ, ດ້ວຍຫຼາຍຮູບການຮ່ວມມືຢ່າງອຸດົມສົມບຸນ, ຫຼາຍຮູບຫຼາຍແບບ. ໂດຍປະຕິບັດຕາມຄຳສັ່ງສອນຂອງປະທານ ໂຮ່ຈີມິນ ທີ່ແສນເຄົາລົບຮັກ, ປະຊາຊົນຫວຽດນາມຕັດສິນໃຈ ພ້ອມກັບປະຊາຊົນລາວບັນດາເຜົ່າຮັກສາ ແລະ ເພີ່ມພູນຄູນສ້າງສາຍພົວພັນບໍລິສຸດຜຸດຜ່ອງ ແລະ ນ້ຳໃຈສາມັກຄີແບບພິເສດຫວຽດນາມ - ລາວ ຢ່າງບໍ່ຢຸດຢັ້ງ ແລະ ສືບທອດໃຫ້ລຸ້ນຕໍ່ໆໄປ”