ຈັດພິທີມອບຮັບຫໍວັດທະນະທຳໄກສອນພົມວິຫານລະຫວ່າງຫວຽດນາມ - ລາວ
ພາບປະກອບ
(vovworld) – ຕອນເຊົ້າວັນທີ 7/1, ຢູ່ເທດສະບານສະຫວັນນະເຂດ, ຫ້ອງວ່າການສູນກາງພັກກອມມູນິດ ຫວຽດນາມ, ອຳນາດການປົກຄອງແຂວງ ສະຫວັນນະເຂດ ແລະ ບໍລິສັດໃຫຍ່ 36 ຂອງ ຫວຽດນາມ ໄດ້ສົມທົບກັນຈັດຕັ້ງພິທີເປີດ ແລະ ມອບຮັບຫໍວັດທະນະທຳ ໄກສອນ ພົມວິຫານ. ນີ້ແມ່ນຂອງຂວັນເຊິ່ງພັກ, ລັດ ແລະ ປະຊາຊົນ ຫວຽດນາມ ມອບໃຫ້ພັກ, ລັດ ແລະ ປະຊາຊົນລາວ ເນື່ອງໃນໂອກາດການຢ້ຽມຢາມສັນຕະວະໄມຕີລາວ ຢ່າງເປັນທາງການຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ເມື່ອເດືອນ 6/2011. ກິດຈະກຳມີຍອດເງິນລົງທຶນ 191 ຕື້ດົ່ງ, ໄດ້ຮັບການກໍ່ສ້າງດ້ວຍວັດສະດຸກໍ່ສ້າງມີຄຸນນະພາບສູງ, ຮັບປະກັນຄວາມປານີດດ້ວຍຈຸດວັດທະນະທຳທີ່ເປັນເອກະລັກສະເພາະຂອງປະເທດລ້ານຊ້າງ.
ໂດຍຕາງໜ້າໃຫ້ອຳນາດການປົກຄອງແຂວງ ສະຫວັນນະເຂດ, ທ່ານເລຂາພັກແຂວງ, ເຈົ້າແຂວງແຂວງສະຫວັນນະເຂດ ສຸພັນ ແກ້ວມີໄຊ ໄດ້ຂອບອົກຂອບໃຈພັກ ແລະ ລັດຖະບານ ຫວຽດນາມ ໄດ້ສະຫງວນໃຫ້ລັດຖະບານ ລາວ ເວົ້າລວມ ແລະ ອຳນາດການປົກຄອງແຂວງ ສະຫວັນນະເຂດ ເວົ້າສະເພາະການຊ່ວຍເຫຼືອຢ່າງມີປະສິດທິຜົນໃນໄລຍະຜ່ານມາ. ທ່ານ ສຸພັນ ແກ້ວມີໄຊ ເນັ້ນໜັກວ່າ: ເລື່ອງເປີດສະຫຼອງ ແລະ ນຳຫໍວັດທະນະທຳ ໄກສອນ ພົມວິຫານ ເຂົ້າເຄື່ອນໄຫວແມ່ນພະຍານຫຼັກຖານຢ່າງມີຊີວິດຊີວາຢັ້ງຢືນສາຍໃຈ ລາວ - ຫວຽດນາມ ແລະ ໝັ້ນໝາຍຈະຮັກສາ ແລະ ເສີມຂະຫຍາຍປະສິດທິຜົນຂອງກິດຈະກຳເພື່ອຍົກສູງຊີວິດທາງດ້ານຈິດໃຈໃຫ້ແກ່ປະຊາຊົນທ້ອງຖີ່ນ, ປະກອບສ່ວນເພີ່ມພຸນຄຸນສ້າງສາຍພົວພັນແບບພິເສດລະຫວ່າງ 2 ປະເທດ.