ທ່ານ ຫວາງອີ, ລັດຖະມົນຕີການຕ່າງປະເທດຈີນທີ່ກອງປະຊຸມສະມັດຊາໃຫຍ່ ສະຫະປະຊາຊາດ ຊຸດທີ 73 ຢູ່ນິວຢອກ  (ພາບ: AFP/TTXVN)

ໃນບົດກ່າວປາໄສ ທີ່ກອງປະຊຸມສະມັດຊາໃຫຍ່ ສະຫະປະຊາຊາດ ຊຸດທີ 73 ຢູ່ນິວຢອກ, ປະເທດ ອາເມລິກາ, ທ່ານ ຫວາງອີ, ລັດຖະມົນຕີການຕ່າງປະເທດຈີນ ໄດ້ຖະແຫຼງວ່າ ປັກກິ່່ງຈະບໍ່ຈັດວາງຮົ້ວກີດຂວາງຕໍ່ຕະຫຼາດສໍາລັບບັນດາປະເທດຕ່າງໆອີກແລ້ວ ແລະ ຊໍ້າບໍ່ໜໍາ ຈະເປີດຕະຫຼາດຕ້ອນຮັບນັກລົງທຶນສາກົນ ເຂົ້າມາລົງທຶນຫຼາຍກວ່າອີກ. ທ່ານລັດຖະມົນຕີການຕ່າງປະເທດຈີນ ຊີ້ແຈ້ງວ່າ:  “ຈີນຈະເປີດປະຕູອອກສູ່ໂລກໃຫ້ກວ້າງກວ່າ ແລະ ຈະບໍ່ຈັດວາງຮົ້ວກີດຂວາງຕໍ່ຕະຫຼາດ, ເຊິ່ງຈະເປີດກວ້າງການສໍາຜັດກັບຕະຫຼາດຂອງຈີນ”.

        ຄໍາຖະແຫຼງດັ່ງກ່າວ ໄດ້ຍົກອອກມາ ໃນສະພາບທີ່ຄວາມເຄັ່ງຕຶງດ້ານການຄ້າ ລະຫວ່າງ ອາເມລິກາ - ຈີນ ໃນປັດຈຸບັນ ຖືກຍູ້ຂຶ້ນຂັ້ນໄດຂັ້ນໃໝ່ ເມື່ອກະຊວງການຄ້າ ຈີນ ໄດ້ປະກາດ ໃນວັນທີ 18 ກັນຍາ ວ່າ ຈະຍື່ນໃບຮ້ອງຟ້ອງ ອາເມລິກາ ຕໍ່ WTO  ຍ້ອນມີສ່ວນກ່ຽວຂ້ອງເຖິງເລື່ອງ ວໍຊິງຕັນ ຈັດວາງອັດຕາພາສີທາງການ 10% ສໍາລັບບັນດາສິນຄ້າປະເພດຕ່າງໆທີ່ນໍາເຂົ້າຈາກ ຈີນ ທີ່ມີມູນຄ່າ 200 ຕື້ USD , ພາໄປເຖິງເລື່ອງ ປັກກິ່່ງ ໂຕ້ຕອບຄືນ ອາເມລິກາ ດ້ວຍການຈັດວາງອັດຕາພາສີຄ້າຍຄືກັນ ສໍາລັບສິນຄ້າທີ່ນໍາເຂົ້າຈາກ ອາເມລິກາ ຂຶ້ນເຖິງ 60 ຕື້ USD.