ຈີນສະເໜີວິທີສຳພັດໃໝ່ຊຸກຍູ້ການສ້າງແຫຼມເກົາຫຼີປອດນິວເຄຼຍ
(ພາບປະກອບ: 38 North/TTXVN)
(vovworld) - ຈີນ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງກັບບັນຫາປອດນິວເຄຼຍໃນແຫຼມເກົາຫຼີ ຈົ່ງລະງັບໃຈ ແລະ ບໍ່ເຮັດບໍ່ວ່າສິ່ງໃດທີ່ພາໃຫ້ຄວາມເຄັ່ງຕຶງປີນຂັ້ນໄດໃນພາກພື້ນ. ພ້ອມທັງສະເໜີວິທີສຳພັດໃໝ່ເພື່ອຊຸກຍູ້ວິວັດການນີ້. ວັນທີ 10/04, ໂຄສົກກະຊວງການຕ່າງປະເທດຈີນ ຄວາຈວນຢິງ ໃຫ້ຮູ້ວ່າ, ຈີນ ສະເໜີວິທີສຳພັດ “2 ສົ້ນ” ເພື່ອແນໃສ່ຍູ້ແຮງການປັດເຂ່ຍອາອຸດນິວເຄຼຍ ໃນແຫຼມເກົາຫຼີ ແລະ ສ້າງຕັ້ງກົນໄກສັນຕິພາບພ້ອມກັນ. ຕາມນັ້ນແລ້ວ, ກ່ອນອື່ນໝົດ, ສປປ.ເກົາຫຼີ ອາດຈະຢຸດຕິບັນດາການເຄື່ອນໄຫວກ່ຽວກັບລູກສອນໄຟ ແລະ ນິວເຄຼຍ ເພື່ອແລກເອົາເລື່ອງອາເມລິກາ ແລະ ສ.ເກົາຫຼີ ຢຸດຕິບັນດາການຊ້ອມຮົບຮ່ວມທີ່ມີຂອບຂະໜາດໃຫຍ່. ຈີນ ຫວັງວ່າ, ບັນດາຝ່າຍຈະພິຈາລະນາຂໍ້ສະເໜີດັ່ງກ່າວຢ່າງເຂັ້ມງວດ.