ທ່ານເອກອັກຄະລັດຖະທູດ ດັ້ງຮ່ວາງຢາງ ກ່າວຄຳເຫັນທີ່ກອງປະຊຸມ

ວັນທີ 25 ຕຸລາ,ໃນຂອບເຂດສັບປະດາກົດໝາຍສາກົນ ປະຈຳປີ ຂອງ ສະມັດຊາໃຫຍ່ ສປຊ ຊຸດທີ 79, ຄະນະປະຕິບັດງານສອງປະເທດ ຫວຽດນາມ ແລະ Vanuatu ຢູ່ສປຊ ສົມທົບກັບອົງການຈັດຕັ້ງກົດໝາຍສາກົນ (IDLO) ຈັດຕັ້ງກອງປະຊຸມສຳມະນາ ດ້ວຍຫົວຂໍ້ “ຊຸກຍູ້ຄວາມຍຸຕິທຳດ້ານດິນຟ້າອາກາດ ຜ່ານລະບຽບການຂໍຄຳປຶກສາຂອງບັນດາອົງການຍຸຕິທຳສາກົນ”.

ກ່າວຄຳເຫັນທີ່ກອງປະຊຸມສຳມະນາ, ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ເນັ້ນນັກວ່າ ການປ່ຽນແປງຂອງດິນຟ້າອາກາດ ແມ່ນໜຶ່ງໃນບັນດາສິ່ງທ້າທາຍຢ່າງຮີບດ່ວນເຊິ່ງ ປະຊາຄົມມສາກົນຕ້ອງປະເຊີນນ້າ, ມີຜົນກະທົບໃນຫຼາຍດ້ານຕໍ່ຫຼາຍປະເທດ. ທ່ານເອກອັກຄະລັດຖະທູດ ຫວຽດນາມ ຢັ້ງຢືນວ່າ ວິວັດການຊຸກຍູ້ຄວາມຍຸຕິທຳດ້ານດິນຟ້າອາກາດ ເຊິ່ງບັນດາປະເທດ ໃນນັ້ນມີ ຫວຽດນາມ ແລະ Vanuatu  ສົມທົບກັນປະຕິບັດ ໃນໄລຍະຜ່ານມາ ໄດ້ມີຄວາມຄືບໜ້າຫຼາຍຢ່າງຄືເລື່ອງ ສານກົດໝາຍວ່າດ້ວຍທະເລ ສາກົນປະກາດໃຊ້ຄຳປຶກສາກ່ຽວກັບຄວາມຮັບຜິດຊອບຂອງບັນດາປະເທດກ່ຽວກັບສິ່ງແວດລ້ອມທະເລ ແລະ ການປ່ຽນແປງຂອງດິນຟ້າອາກາດໃນຂອບເຂດສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (5/2024)ແລະ ສານຍຸຕິທຳສາກົນ ພວມພິຈາລະນາປະກອບຄຳເຫັນປຶກສາກ່ຽວກັບຄວາມຮັບຜິດຊອບຂອງ ບັນດາປະເທດຕໍ່ບັນຫາການປ່ຽນແປງຂອງດິນຟ້າອາກາດ.