 ບັນດາຜູ້ແທນເຂົ້າຮ່ວມການໂອ້ລົມສົນທະນາ
(ພາບ: ສຳນັກຂ່າວສານ ຫວຽດນາມ) |
(vovworld) – ວັນທີ 22/4, ຄະນະປະຕິບັດງານ ຫວຽດນາມ ປະຈຳ ສະຫະປະຊາຊາດ, ອົງການການຄ້າໂລກ (WTO) ແລະ ບັນດາອົງການສາກົນອື່ນໆຢູ່ ເຊີແນວ (ປະເທດສະວິດ) ໄດ້ຈັດຕັ້ງການໂອ້ລົມສົນທະນາ “ປັນຍາຊົນໜຸ່ມ ຫວຽດນາມ ຢູ່ ສະວິດ ກັບປະເທດຊາດ”. ບັນດານັກປັນຍາຊົນໜຸ່ມ ຫວຽດນາມ ໄດ້ນຳມາໃຫ້ການໂອ້ລົມສົນທະນາບັນດາບົດທາບທາມຄວາມເຫັນໃນບັນດາຂົງເຂດຄື: ເຕັກໂນໂລຢີຂໍ້ມູນຂ່າວສານ, ເສດຖະກິດການເງິນ ແລະ ກໍ່ສ້າງພື້ນຖານໂຄງລ່າງ, ກໍ່ຄືໄຈ້ແຍກຄວາມສາມາດບົ່ມຊ້ອນ, ບົດບາດ, ການປະກອບສ່ວນຂອງບັນດາປັນຍາຊົນພວມເຮັດວຽກໃນບັນດາອົງການສາກົນຢູ່ ເຊີແນວ.
ກ່າວຄຳເຫັນສະຫລຸບການໂອ້ລົສົນທະນາ, ທ່ານ ເຢືອງຈີ໋ຢູ້ງ, ເອກອັກຄະລັດຖະທູດ, ຫົວໜ້າຄະນະປະຕິບັດງານ ຫວຽດນາມ ປະຈຳ ສປຊ ໄດ້ຮັບຮອງບັນດາຄຳເຫັນປະກອບຂອງບັນດາປັນຍາຊົນ, ໃນນັ້ນມີຂໍ້ລິເລີ່ມກ່ຽວກັບການສ້າງຕັ້ງກົນໄກປະຈຳຮ່ວມສຳພັນປັນຍາຊົນ ຫວຽດນາມ ຢູ່ສະວິດ. ມຸ່ງໄປເຖິງການເຊື່ອມຕໍ່ ແລະ ຊຸກຍູ້ບັນດາການປະກອບສ່ວນຂອງຖັນແຖວປັນຍາຊົນ ຫວຽດນາມ ຢູ່ ສະວິດ, ທ່ານເອກອັກຄະລັດຖະທູດ ເຢືອງຈີ໋ຢູ້ງ ສະເໜີບັນດາການເຄື່ອນໄຫວແລກປ່ຽນຄວນໄດ້ຮັບການຈັດຕັ້ງເປັນປະຈຳ, ຄະນະປະຕິບັດງານ ແລະ ສະຖານທູດ ແມ່ນຂົວເຊື່ອມຕໍ່ເພື່ອໃຫ້ບັນດາປັນຍາຊົນປະກອບສ່ວນແທດຈິງ, ມີປະສິດທິຜົນໃຫ້ແກ່ປະເທດຊາດ.