(vovworld) – ຕອນເຊົ້າວັນທີ 14/8, ຢູ່ຮ່າໂນ້ຍ, ກະຊວງຍຸຕິທຳ ໄດ້ຈັດກອງປະຊຸມກ່ຽວກັບສະພາບຕົວຈິງ ແລະ ບັນດາມາດຕະການຍົກສູງຄຸນນະພາບວຽກງານກວດກາຕີລາຄາເອກະສານນິຕິກຳຂອງກະຊວງຍຸຕິທຳ. ນັບແຕ່ຕົ້ນປີ 2009 ມາຮອດເດືອນ 6 ປີນີ້, ກະຊວງຍຸຕິທຳໄດ້ກວດກາຕີລາຄາຮ່າງເອກະສານນິຕິກຳຫຼາຍສົມຄວນ, ປະກອບສ່ວນຊ່ວຍລັດຖະບານສຳເລັດໂຄງການກໍ່ສ້າງກົດໝາຍ, ລັດຖະບັນຢັດໃນແຕ່ລະປີ, ປະກອບສ່ວນຍົກສູງຄຸນນະພາບຂອງເອກະສານ, ຜົນສັກສິດ ແລະ ປະສິດທິຜົນຂອງການຄຸ້ມຄອງລັດ. ເພື່ອຍົກສູງຄຸນນະພາບການກວດກາຕີລາຄາເອກະສານນິຕິກຳໃນໄລຍະຈະມາເຖິງ. ທ່ານ ເຈິ່ນຕ໋ຽນຢູງ, ຫົວໜ້າຫ້ອງການກະຊວງຍຸຕິທຳ, ຖືວ່າ:
“ທີ່ໜຶ່ງແມ່ນສ້າງ ແລະ ປະກາດໃຊ້ລະບຽບການສົມທົບລະຫວ່າງບັນດາຫົວໜ່ວຍທີ່ກ່ຽວຂ້ອງເຖິງວຽກງານກວດກາຕີລາຄາເອກະສານນິຕິກຳ ແລະ ຫົວໜ່ວຍກ່ຽວຂ້ອງ ເພື່ອກວດກາລະບຽບການດ້ານບໍລິຫານ, ຕິດຕາມສະພາບການດ້ານກົດໝາຍ, ກວດກາເອກະສານນິຕິກຳ ແນໃສ່ສ້າງຂັ້ນຕອນຮຽບຮ້ອຍຈາກຂອດເລີ່ມກວດກາເຖິງສິ້ນສຸດການກວດກາ. ທີສອງແມ່ນກວດຄືນ, ແບ່ງກຳນົດບົດບາດ, ໜ້າທີ່ຂອງຫົວໜ່ວຍສ້າງກົດໝາຍທີ່ຂຶ້ນກັບກະຊວງ ເພື່ອເປັນພື້ນຖານໃຫ້ແກ່ການແບ່ງງານໃຫ້ບັນດາຫົວໜ່ວຍເຂົ້າຮ່ວມການກໍ່ສ້າງ, ປະກອບຄວາມເຫັນກວດກາຕີລາຄາ, ແກ້ໄຂສະພາບຊ້ອນກັນຄືໃນປະຊຸບັນ. ທີສາມແມ່ນຍູ້ແຮງການນຳໃຊ້ເຕັກໂນໂລຢີຂໍ້ມູນຂ່າວສານເຂົ້າໃນການຮັບເອົາສຳເນົາຕິດຕາມ, ຊຸກຍູ້ການກວດກາຕີລາຄາເອກະສານນິຕິກຳ“.