ສືບຕໍ່ກອງປະຊຸມສະໄໝສາມັນເທື່ອທີ
10 ສະພາແຫ່ງຊາດຊຸດທີ 13
(ພາບປະກອບ)
(vovworld) – ໂດຍສືບຕໍ່ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດຊຸດທີ 13, ຕອນເຊົ້າວັນທີ 5/11, ບັນດາສະມາຊິກສະພາແຫ່ງຊາດ ປຶກສາຫາລືກ່ຽວກັບຮ່າງກົດໝາຍວ່າດ້ວຍອຸຕຸນິຍົມອຸທົກກະສາດ. ຮ່າງກົດໝາຍວ່າດ້ວຍອຸຕຸນິຍົມອຸທົກກະສາດ ໂດຍກະຊວງຊັບພະຍາກອນ ແລະ ສິ່ງແວດລ້ອມເປັນຮຽບຮຽງ ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການປ້ອງກັນ ຕ້ານໄພທຳມະຊາດ ແລະ ຮັບມືກັບການປ່ຽນແປງດິນຟ້າອາກາດ. ບັນດາສະມາຊິກສະພາແຫ່ງຊາດ ສະເໜີໃນຮ່າງກົດໝາຍຕ້ອງຍົກອອກມາດຖານ ເພື່ອພະຍາກອນ ອຸຕຸນິຍົມອຸທົກກະສາດໃຫ້ຊັດເຈນ, ພ້ອມທັງ ຕ້ອງມີມາດຕະການລົງໂທດການຕຳໜິຢ່າງເຄັ່ງຄັດສຳລັບການພະຍາກອນອຸຕຸນິຍົມອຸທົກກະສາດບໍ່ຊັດເຈນ. ສະມາຊິກສະພາແຫ່ງຊາດ ບາງທ່ານ ຮຽກຮ້ອງໃນຮ່າງກົດໝາຍສືບຕໍ່ເອົາໃຈໃສ່ເປັນພິເສດເຖິງລະບອບເກືອກູນ, ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງເຮັດວຽກໃນຂົງເຂດ ອຸຕຸນິຍົມອຸທົກກະສາດ, ພິເສດແມ່ນຢູ່ເຂດຫ່າງໄກຊອກຫຼິກ, ເຂດຊາຍແດນ ແລະ ໝູ່ເກາະ.
ແລະກໍໃນຕອນເຊົ້າວັນທີ 5/11, ທ່ານ ດິງຕ໋ຽນຢຸງ ລັດຖະມົນຕີວ່າການກະຊວງການເງິນ, ໄດ້ຮັບມອບສິດຈາກທ່ານນາຍົກລັດຖະມົນຕີ ໄດ້ລາຍງານໃບສະເໜີ ສະເໜີສະພາແຫ່ງຊາດໃຫ້ສັດຕະຍາບັນອະນຸສັນຍາ ສະບັບປັບປຸງສັນຍາສ້າງຕັ້ງອົງການການຄ້າໂລກ (WTO).