(vovworld) - ທ່ານນາຍົກລັດຖະມົນຕີຍີ່ປຸ່ນ Shinzo Abe ແລະ ທ່ານນາຍົກລັດຖະມົນຕີອົດສະຕາລີ Malcolm Turnbull ຢືນຢືນວ່າ ການພົວພັນລະຫວ່າງຍີ່ປຸ່ນ - ອົດສະຕາລີ ແມ່ນການພົວພັນຄູ່ຮ່ວມມືຍຸດທະສາດພິເສດ. ນີ້ແມ່ນສານທຳອິດໃນຖະແຫຼງການຮ່ວມ ທີ່ໄດ້ປະກາດ ພາຍຫຼັງນາຍົກລັດຖະມົນຕີ 2 ທ່ານສິ້ນສຸດການເຈລະຈາຢູ່ນະຄອນຫຼວງ ໂຕກຽວ, ປະເທດຍີ່ປຸ່ນ ໃນວັນທີ 18/12. ທີ່ການເຈລະຈາ, ນາຍົກລັດຖະມົນຕີ 2 ທ່ານໄດ້ເນັ້ນໜັກເຖິງຄວາມສຳຄັນຂອງການປັບປຸງການພົວພັນພິເສດນີ້ ໃນການຮັບໜ້າທີ່ຮັກສາສັນຕິພາບ ແລະ ຄວາມວັດທະນາຖາວອນຢູ່ອາຊີ - ປາຊີຟິກ ກໍຄືໃນໂລກ…
ເມື່ອເຕື້ອງເຖິງການສ້າງສຳພັນທະມິດການທະຫານກັບອາເມລິກາ, 2 ຝ່າຍໄດ້ຢືນຢັນອີກຄັ້ງໜຶ່ງຄຳໝັ້ນສັນຍາເຂົ້າຮ່ວມສຳພັນທະມິດນີ້, ພ້ອມທັງສະແດງການສະໜັບສະໜູນຢ່າງແຮງສຳລັບຍຸດທະສາດສ້າງຄວາມດຸ່ນດ່ຽງຂອງອາເມລິກາ. ກ່ຽວຂ້ອງເຖິງບັນຫາທະເລ ຮວາຕຸງ ແລະ ທະເລຕາເວັນອອກ, ນາຍົກລັດຖະມົນຕີ 2 ທ່ານ ໄດ້ຄັດຄ້ານການກະທຳມີລັກສະນະຈັດວາງ ຫຼື ປ່ຽນແປງສະພາບເດີມພຽງລຳພັງຝ່າຍດ່ຽວ ແລະ ຮຽກຮ້ອງໃຫ້ບັນດາຝ່າຍຈົ່ງລະງັບໃຈ, ປະຕິບັດບັນດາມາດຕະການເພື່ອຫຼຸດຜ່ອນຄວາມເຄັ່ງຕຶງ ແລະ ເໝາະສົມກັບກົດໝາຍສາກົນ, ລວມທັງຫຼັກການໃນການເດີນທະເລ ແລະ ການບິນຢ່າງເສລີ.