(vovworld) – ວັນທີ 18/11, ຢູ່ຮ່າໂນ້ຍ, ກະຊວງຕຳຫຼວດໄດ້ຈັດພິທີສະເຫຼີມສະຫຼອງວັນຄູຫວຽດນາມ 20/11 ແລະ ອວຍພອນບັນດາຄູອາຈານ, ນັກວິທະຍາສາດໃນກຳລັງຕຳຫຼວດປະຊາຊົນທີ່ ໄດ້ຮັບການຮັບຮອງວ່າ ບັນລຸຍົດຕຳແໜ່ງສາດສະດາຈານ, ຮອງສາດສະດາຈານປີ 2015. ນີ້ແມ່ນບັນດາຄູອາຈານທີ່ມີການປະກອບສຳຄັນຫຼາຍຢ່າງໃນການກໍ່ສ້າງ, ສະໜອງຫຼັກຖານວິທະຍາສາດເພື່ອໃຫ້ກະຊວງຕຳຫຼວດສະເໜີຕໍ່ພັກ, ລັດ ວາງແຜນບັນດາແຜນນະໂຍບາຍ, ນະໂຍບາຍກ່ຽວກັບຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ; ພ້ອມທັງເຂົ້າຮ່ວມວຽກງານຄົ້ນຄວ້າ ແລະ ສ້າງແນວຄິດ, ແນວທາງທີ່ເປັນພື້ນຖານໃຫ້ແກ່ການປ່ຽນໃໝ່ວຽກງານຕຳຫຼວດຢ່າງຮອບດ້ານ, ປະກອບສ່ວນສ້າງກຳລັງຫຼວງ, ຢອດຢ້ຽມ ແລະ ຫັນເປັນທັນສະໄໝເທື່ອລະກ້າວ.
ແລະກໍໃນວັນດຽວກັນ, ພະແນກສຶກສາ ແລະ ບຳລຸງສ້າງຮ່າໂນ້ຍ ໄດ້ຈັດພິທີຍ້ອງຍໍມອບລາງວັນໃຫ້ບັນດາແບບຢ່າງດີເດັ່ນ, ຄູອາຈານທີ່ເປັນແບບຢ່າງດີເດັ່ນຂອງນະຄອນຫຼວງປີ 2015. ຢູ່ນະຄອນໂຮ່ຈິມິນ, ໜັງສືພິມ ໄຊງ່ອນປົດປ່ອຍ. ບໍລິສັດ Prudential ຫວຽດນາມ ກໍຈັດພິທີມອບລາງວັນ ວໍເຈື່ອງຕວານ ຄັ້ງທີ 18 ໃຫ້ບັນດາຄູອາຈານ ແລະ ພະນັກງານຄຸ້ມຄອງທີ່ມີຜົນງານດີເດັ່ນໃນວຽກງານສິດສອນ, ປະກອບສ່ວນຕັ້ງໜ້າເຂົ້າໃນພາລະກິດສຶກສາ ແລະ ບຳລຸງສ້າງ. ກໍໃນໂອກາດນີ້, ຄະນະກຳມະການປະຊາຊົນແຂວງລາວກາຍ ກໍໄດ້ຈັດພິທີຍ້ອງຍໍມອບລາງວັນໃຫ້ຄູອາຈານດີເດັ່ນຂອງແຂວງປີ 2015 ເກືອບ 600 ຄົນ.