ທ່ານຮອງນາຍົກລັດຖະມົນຕີ ຫວູວັນນິງ
ກ່າວຄຳເຫັນທີ່ກອງປະຊຸມສຳມະນາ
(ພາບ: VGP/ThanhTrung)
(vovworld) – ຍູ້ແຮງຫັນການກະສິກຳ, ຊົນນະບົດເປັນອຸດສາຫະກຳທັນສະໄໝຕິດພັນກັບການກໍ່ສ້າງຊົນນະບົດໃໝ່ ນີ້ແມ່ນຫົວຂ້ໍຂອງກອງປະຊຸມສຳມະນາ ທີ່ດຳເນີນໃນຕອນເຊົ້າວັນທີ 20/8 ຢູ່ຮ່າໂນ້ຍ. ນະທີ່ນີ້, ບັນດາຜູ້ແທນຢືນຢັນວ່າ: ການຫັນກະສິກຳເປັນອຸດສາຫະກຳ ແລະ ທັນສະໄໝ; ການພັດທະນາກະສິກຳ ແລະ ຊົນນະບົດ ຍາມໃດກໍໄດ້ຮັບຄວາມເອົາໃຈໃສ່ຢ່າງເລິກເຊິ່ງຈາກພັກ ແລະ ລັດ, ເຊິ່ງມັນໄດ້ສະແດງອອກ ແລະ ພັດທະນາທັງດ້ານທິດສະດີ - ພຶດຕິກຳຕົວຈິງໃນແຜນນະໂຍບາຍ, ຍຸດທະສາດ ແລະ ນາໂຍບາຍໃຫຍ່ຜ່ານບັນດາກອງປະຊຸມໃຫຍ່ຂອງພັກໃນ 30 ປີແຫ່ງການປ່ຽນໃໝ່. ກ່າວຄຳເຫັນທີ່ກອງປະຊຸມສຳມະນາ, ທ່ານຮອງນາຍົກລັດຖະມົນຕີ ຫວູວັນນິງ ຖືວ່າ: ໂດຍຜ່ານ 30 ປີແຫ່ງວັນປ່ຽນໃໝ່, ເສດຖະກິດ - ກຳສິກຳບັນລຸໄດ້ຜົນງານທີ່ສຳຄັນ, ມີຄວາມໝາຍປະຫວັດສາດ, ຊີວິດການເປັນຢູ່ຂອງປະຊາຊົນໄດ້ຮັບການຍົກສູງຂຶ້ນ, ອັດຕາຄອບຄົວທຸກຍາກໄດ້ຫລຸດລົງ. ທ່ານຮອງນາຍົກລັດຖະມົນຕີ ເນັ້ນໜັກວ່າ:
“ຍົກສູງການຜະລິດກະສິກຳແມ່ນຮີບດ່ວນ, ຫວຽດນາມ ມີສິ່ງທ້າທາຍ ແລະ ກາລະໂອກາດຫລາຍຢ່າງໃນການພັດທະນາກະສິກຳ, ຊົນນະບົດ, ຊາວກະສິກອນເວົ້າລວມ. ເພາະສະນັ້ນ, ຕ້ອງຊອກຫາບັນດາຜະລິດຕະພັນທີ່ມີທ່າແຮງຂອງແຕ່ລະເຂດ, ແຂວງ. ບໍ່ຜະລິດແບບທົ່ວໄປ ຫາກຜະລິດບັນດາຜະລິດຕະພັນທີ່ຕະຫລາດມີຄວາມຕ້ອງການ. ຫວຽດນາມ ຢືດໝັ້ນເສດຖະກິດການຕະຫລາດ, ຕາມກຳນົດທິດສັງຄົມນິຍົມ ດັ່ງນັ້ນຈິງຖືນີ້ແມ່ນວຽກງານສຳຄັນ”.
ທ່ານຮອງນາຍົກລັດຖະມົນຕີ ກໍຖືວ່າ: ບົດບາດຂອງເສດຖະກິດຄອບຄົວໃນໄລຍະຜ່ານມາ ໄດ້ສ້າງຜົນງານທີ່ມີລັກສະນະປະຫວັດສາດ, ແຕ່ຖ້າຫາກຍັງຄົງສືບຕໍ່ເສດຖະກິດຄອບຄົວຈະບໍ່ສາມາດພັດທະນາໄດ້, ດັ່ງນັ້ນຕ້ອງມີການຮ່ວມສຳພັນນັບແຕ່ການຜະລິດເຖິງການຈຳໜາຍ ແລະ ການປຸງແຕ່ງ. ຕ້ອງຍົກສູງສະມັດຕະພາບເພື່ອແກ່ງແຍ້ງກັບສາກົນ. ຢາກໄດ້ຄືດັ່ງກ່າວ, ຕ້ອງນຳໃຊ້ກົນຈັກເຂົ້າໃນການຜະລິດກະສິກຳ, ຊົນນະບົດ ແລະ ນຳໃຊ້ນະໂຍບາຍແຕ່ລະເຂດຄືແນວໃດໃຫ້ເໝາະສົມກັບພຶດຕິກຳຕົວຈິງ