ຕັດສິນໃຈກໍ່ສ້າງນະຄອນຫຼວງຮ່າໂນ້ຍໃຫ້ນັບມື້ນັບສີວິໄລແລະທັນສະໄໝ
ທ່ານກຳມະການກົມການເມືອງ,
ເລຂາຄະນະພັກນະຄອນຮ່າໂນ້ຍ, ຟ້າມກວາງງີ້
(ພາບປະກອບ)
(vovworld) – ກອງປະຊຸມໃຫຍ່ອົງຄະນະພັກນະຄອນຮ່າໂນ້ຍ ຄັ້ງທີ 16 ຈະດຳເນີນໃນລະຫວ່າງວັນທີ 01/11 – 03/11 ແລະ ກອງປະຊຸມກະກຽມຖືກດຳເນີນໃນວັນທີ 31/10. ຕາມແຜນການ, ກອງປະຊຸມໃຫຍ່ ຈະຕີລາຄາການປະຕິບັດມະຕິກອງປະຊຸມໃຫຍ່ຄັ້ງທີ 15 ອົງຄະນະພັກນະຄອນ (2010 - 2015); ຕົກລົງຄາດໝາຍ, ໜ້າທີ່ກໍ່ສ້າງ, ພັດທະນານະຄອນຫຼວງໄລຍະ 2015 – 2020; ເລືອກຕັ້ງຄະນະບໍລິຫານງານອົງຄະນະພັກຊຸດທີ 16… ກອງປະຊຸມໃຫຍ່ອົງຄະນະພັກນະຄອນຮ່າໂນ້ຍ ແມ່ນເຫດການການເມືອງມີຄວາມໝາຍສຳຄັນພິເສດ, ຢືນຢັນຄວາມຕັດສິນໃຈສືບຕໍ່ຍົກສູງກຳລັງຊີ້ນຳນຳພາ, ກຳລັງຕໍ່ສູ້ຂອງອົງຄະນະພັກ; ເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດ; ສ້າງນະຄອນຫຼວງໃຫ້ນັບມື້ນັບສວຍງາມ, ສີວິໄລ, ທັນສະໄໝ. ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ, ກ່ອນກອງປະຊຸມໃຫຍ່, ທ່ານກຳມະການກົມການເມືອງ, ເລຂາຄະນະພັກນະຄອນຮ່າໂນ້ຍ, ຟ້າມກວາງງີ້ ໃຫ້ຮູ້ວ່າ.
“ອາຍຸການ 5 ປີຈະມາເຖິງ ຮ່າໂນ້ຍ ມີ 3 ບຸກທະລຸ. ທີໜຶ່ງແມ່ນ ສືບຕໍ່ພັດທະພື້ນຖານໂຄງລ່າງເສດຖະກິດ, ສັງຄົມໃຫ້ທັນສະໄໝ ນັບທັງເຂດຕົວເມືອງ ແລະ ຊົນນະບົດຮ່າໂນ້ຍ. ທີ່ 2 ແມ່ນສືບຕໍຖືການປະຕິຮູບດ້ານການບໍລິຫານແມ່ນຂອດບຸກທະລຸ, ສ້າງຄວາມເປັນລະບຽບຮຽບຮ້ອຍເຂດຕົວເມືອງ, ແບບແຜນການດຳລົງຊີວິດ, ການປະພຶດຂອງຊາວຮ່າໂນ້ຍ. ທີ 3 ແມ່ນບຳລຸງສ້າງແຫຼ່ງຊັບພະຍາກອນມະນຸດມີເຕັກນິກສູງ, ຮັກສາມູນເຊື້ອອະລິຍະທຳ, ສີວິໄລຂອງຊາວຮ່າໂນ້ຍ, ເພື່ອເວລາເຊື່ອມໂຍງເຂົ້າກັບໂລກຢ່າງເລິກເຊິ່ງກວ້າງຂວາງກວ່າ, ພວກເຮົາຍັງຄົງຮັກສາສີສັນ, ວັດທະນະທຳ, ຈຸດຍອດຍິ່ງຂອງຊາດໄດ້”.