ຕວັກກີ, ລັດເຊຍ ຢັ້ງຢືນຄຳໝັ້ນສັນຍາໃຫ້ຂໍ້ຕົກລົງທັງໝົດຢູ່ ຊີຣີ ຄືນໃໝ່
(VOVWORLD) -ວັນທີ 21 ກຸມພາ, ຢູ່ທຳນຽບປະທານາທິບໍດີ ຕວັກກີ ໄດ້ແຈ້ງໃຫ້ຮູ້ວ່າ ທ່ານປະທານາທິບໍດີ Tayyip Erdogan ໄດ້ມີການເຈລະຈາຜ່ານທາງໂທລະສັບກັບຄູ່ຕຳແໜ່ງ ລັດເຊຍ ທ່ານ Vladimir Putin. ຕາມແຈ້ງຂ່າວແລ້ວ, ການນຳສອງທ່ານໄດ້ຢັ້ງຢືນຄືນໃໝ່ຄຳໝັ້ນສັນຍາໃຫ້ແກ່ຂໍ້ຕົກລົງກ່ຽວກັບສະພາບການຢູ່ຊີຣີ ທີ່ບັນລຸໄດ້ທັງໝົດກ່ອນໜ້ານີ້.
 ຂະບວນລົດການທະຫານຂອງ ຕວັກກີ (ພາບ: AP) |
ເມື່ອເຕື້ອງເຖິງບັນດາການຜັນແປໃນໄລຍະທີ່ຜ່ານມາຢູ່ແຂວງ Idlib, ທ່ານປະທານາທິບໍດີ Erdogan ຖືວ່າ ລັດຖະບານ ຊີຣີ ຄວນຄວບຄຸມບັນດາການກະທຳເພື່ອຫລີກລ້ຽງການເກີດວິກິດການດ້ານມະນຸດສະທຳ. ທ່ານກໍ່ເນັ້ນໜັກວ່າ ຂໍ້ຕົກລົງ Sochi ຕ້ອງໄດ້ຮັບການປະຕິບັດຢ່າງຄົບຖ້ວນຢູ່ແຂວງ Idlib.
ແລະກໍ່ໃນວັນດຽວກັນ, ລັດຖະບານ ເຢຍລະມັນ ໄດ້ອອກແຈ້ງຂ່າວໂດຍໃຫ້ຮູ້ວ່າ: ທ່ານນາງ ນາຍົກລັດຖະມົນຕີ ເຢຍລະມັນ Angela Merkel ແລະ ທ່ານປະທານາທິບໍດີ ຝລັ່ງ ກໍ່ມີການເຈລະຈາຜ່ານທາງໂທລະສັບກັບທ່ານ ປະທານາທິບໍດີຕວັກກີ Tayyip Erdogan, ໃນນັ້ນ ເນື້ອໃນແມ່ນໄດ້ເຕື້ອງເຖິງຂໍ້ສະເໜີພ້ອມກັບ ລັດເຊຍ ຈັດຕັ້ງກອງປະຊຸມກ່ຽວກັບບັນຫາ ຊີຣີ.
ຕູ໊ແອັງ, ນັກຂ່າວ VOV ປະຈຳລັດເຊຍ