ທູດພິເສດສະຫະປະຊາຊາດກ່ຽວກັບ
ບັນຫາຊີຣີ ທ່ານ Staffan de Mistura
. (ພາບ: AFP/TTXVN)
(vovworld) - ວັນທີ 22/9, ທູດພິເສດສະຫະປະຊາຊາດ (ສປຊ) ກ່ຽວກັບບັນຫາຊີຣີ, ທ່ານ Staffan de Mistura ຖະແຫຼງວ່າ, ທ່ານຈະຍື່ນບັນດາຂໍ້ສະເໜີເພື່ອແນໃສ່ຟື້ນຟູການເຈລະຈາສັນຕິພາບຢູ່ ຊີຣີ, ພ້ອມທັງເນັ້ນໜັກເຖິງຄວາມສຳຄັນຂອງເລື່ອງດຳເນີນການເຈລະຈາໂດຍກົງລະຫວ່າງຝ່າຍຕ່າງໆຢູ່ ຊີຣີ ໃນຮອບເຈລະຈາຈະມາເຖິງ. ກ່າວຄວາມເຫັນທີ່ກອງປະຊຸມຂອງສະພາຄວາມໝັ້ນຄົງ ສປຊ ກ່ຽວກັບ ຊີຣີ, ທ່ານ Mistura ໃສ່ໃຈວ່າ, ບໍ່ວ່າແຜນການໃດກໍ່ຕ້ອງ “ສຸມໃສ່ຈຸດສຸມແມ່ນການປະທະກັນຢູ່ ຊີຣີ ບໍ່ອາດແກ້ໄຂດ້ວຍກຳລັງການທະຫານ, ພຽງແຕ່ຜ່ານວິວັດແຫ່ງການເຈລະຈາດ້ານການເມືອງ ແລະ ເໝາະສົມກັບມະຕິ 2254 ຂອງ ສະພາຄວາມໝັ້ນຄົງ ສປຊ ເທົ່ານັ້ນ. ທ່ານ Mistura ກ່າວຕື່ມອີກວ່າ, ໃນບັນດາຮອບເຈລະຈາກ່ອນນີ້, ສປຊ ກໍ່ຮັບຮູ້ໄດ້ບັນດາຈຸດລວມລະຫວ່າງພັກຝ່າຍຕ່າງໆຢູ່ ຊີຣີ ກ່ຽວກັບວິວັດທະນາການຂ້າມຜ່ານດ້ານການເມືອງ ແລະ ອະນາຄົດຂອງ ຊີຣີ.
ແລະກໍ່ໃນວັນທີ 22/9, ສປຊ ສືບຕໍ່ຂົນສົ່ງສິນຄ້າມະນຸດສະທຳຫຼາຍຖ້ຽວເຖິງ ຊີຣີ, ພາຍຫຼັງເກີດການບຸກໂຈມຕີທາງອາກາດໃສ່ຂະບວນລົດກູ້ຊ່ວຍທີ່ໃກ້ກັບນະຄອນ Aleppo ເຊິ່ງເຮັດໃຫ້ພາລະກອນຂອງອົງການກາແດງສາກົນ 1 ຄົນ ແລະ ສາມັນຊົນຫຼາຍຄົນເສຍຊີວິດ ເປັນເວລາ 3 ວັນ.