ອົງການທ່ອງທ່ຽວສາກົນ ສະຫະປະຊາຊາດ (UNWTO) ຄາດຄະເນວ່າ, ໃນຊຸມປີຈະມາເຖິງ, ຂະແໜງການທ່ອງທ່ຽວຂອງບັນດາປະເທດສະມາຊິກ ອາຊຽນ ອາດຈະເຕີບໂຕໃນລະດັບ 6%/ປີ ນຳອາຊຽນກາຍເປັນໜຶ່ງໃນບັນດາພາກພື້ນພັດທະນາການທ່ອງທ່ຽວໄວທີ່ສຸດ ຢູ່ໃນໂລກໃນ 20 ປີຈະມາເຖິງ. ຕາມ ທ່ານ Taleb Rifai ເລຂາທິການໃຫຍ່ UNWTO ແລ້ວ, ຄວາມສາມາດບົ່ມຊ້ອນດ້ານການທ່ອງທ່ຽວຂອງ ອາຊຽນ ແມ່ນໃຫຍ່ຫຼວງທີ່ສຸດ ແລະນີ້ແມ່ນໜຶ່ງໃນບັນດາພາກພື້ນທີ່ພວມພັດທະນາຢ່າງວ່ອງໄວຢູ່ໃນ ໂລກ. ທ່ານຖືວ່າ ການເພີ່ມທະວີການຮ່ວມມື ແລະເຊື່ອມຕໍ່ບັນດາຄວາມມານະພະຍາຍາມ ແລະແຫຼ່ງກຳລັງນຳກັນ ຈະຊ່ວຍໃຫ້ພາກພື້ນນີ້ພັດທະນາຢ່າງແຮງ. ແຕ່ເພື່ອກາຍເປັນສະຖານທີ່ທ່ອງທ່ຽວທີ່ດູດດື່ມທີ່ສຸດໃນປີ 2015, ກ່ອນອື່ນໝົດບັນດາປະເທດອາຊຽນຕ້ອງບັນລຸໄດ້ຄວາມເຫັນດີເຫັນພ້ອມ ສູງ ກ່ຽວກັບການກຳນົດວີຊາ, ການເຊື່ອມຕໍ່ສາຍການບິນ ແລະຮາກຖານການທ່ອງທ່ຽວ.