(ພາບປະກອບ)
|
(vovworld)- ດ້ວຍເລື່ອງປະຊາຄົມອາຊຽນຈະໄດ້ຮັບການສ້າງຕັ້ງຂຶ້ນໃນທ້າຍປີນີ້, ບັນດາວິສາຫະກິດທ່ອງທ່ຽວຫວຽດນາມໄດ້ກະກຽມຄວາມພ້ອມເພື່ອເສີມຂະຫຍາຍທ່າໄດ້ປຽບທີ່ມີຢູ່ແລ້ວ ກໍຄືປະເຊີນໜ້າກັບສິ່ງທ້າທາຍໃນສະພາບແວດລ້ອມແຫ່ງການແກ່ງແຍ້ງທີ່ຮ້າຍແຮງ, ແຕ່ກໍມີໂອກາດທີ່ດີເພື່ອຮ່ວມມືພັດທະນາ.
ທ່ານນາງ ໂງຮ່ວາຍຈຸງ ຮອງຫົວໜ້າກົມໃຫຍ່ທ່ອງທ່ຽວຫວຽດນາມໃຫ້ຮູ້ວ່າ : ກົມໃຫຍ່ທ່ອງທ່ຽວຫວຽດນາມພ້ອມກັບບັນດາວິສາຫະກິດທ່ອງທ່ຽວຫວຽດນາມເຂົ້າຮ່ວມງານຕະຫຼາດນັດ ITB ເອເຊຍ ແນໃສ່ແນະນຳນະໂຍບາຍທ່ອງທ່ຽວໃໝ່ຂອງຫວຽດນາມ, ແນະນຳບັນດາຜະລິດຕະພັນທ່ອງທ່ຽວທີ່ພົ້ນເດັ່ນເພື່ອແນໃສ່ດຶງດູດແຂກທ່ອງທ່ຽວເຂົ້າມາຫວຽດນາມ.