ທ່ານນາງ Raja Bentaouet Kanttan, ເປັນຜູ້ຮຽບຮຽງບົດຂຽນບົດລາຍງານ

ວັນທີ 15 ມີນາ, ທະນາຄານໂລກ (WB) ປະກາດບົດລາຍງານ “ການເຕີບໂຕມທີ່ສະຫຼາດກ່ວາ: ຮ່ຳຮຽນ ແລະ ພັດທະນາຄວາມຍຸຕິທຳຢູ່ ອາຊີຕາເວັນອອກ- ປາຊີຟິກ”.

        ບົດລາຍງານໄດ້ຊີ້ແຈ້ງ 7 ໃນຈຳນວນ 10 ລະບົບການສຶກສາແຖວໜ້າຂອງໂລກນອນໃນພາກພື້ນ ອາຊີຕາເວັນອອກ - ປາຊີຟິກ, ໃນນັ້ນ, ຕ້ອງເວົ້າເຖິງບາດກ້າວພັດທະນາທີ່ປະທັບໃຈໃນລະບົບການສຶກສາຂອງ ຈີນ ແລະ ຫວຽດນາມ. ນີ້ແມ່ນຜົນງານອັນໃຫຍ່ຫຼວງຂອງພາກພື້ນ ແລະ ອາດຈະກາຍເປັນບັນດາບົດຮຽນສຳຄັນໃຫ້ແກ່ບັນດາປະເທດອື່ນໆໃນໂລກ.

        ໃນພາກຕີລາຄາກ່ຽວກັບ ຫວຽດນາມ, ທ່ານນາງ Raja Bentaouet Kanttan, ທັງເປັນຜູ້ຮຽບຮຽງບົດຂຽນບົດລາຍງານ ແລະ ແມ່ນຫົວໜ້ານັກຊ່ຽວຊານກ່ຽວກັບການສຶກສາຂອງ ທະນາຄານໂລກ ໄດ້ຕີລາຄາສູງບັນດາການພັດທະນາທີ່ປະທັບໃຈໃນລະບົບການສຶກສາຂອງ ຫວຽດນາມ. ທ່ານນາງ Raja Bentaouet Kanttan ຖືວ່າ: ຊຸມປີຜ່ານມາ, ຫວຽດນາມ ໄດ້ດຳເນີນການປ່ຽນແປງໃໝ່ຫຼາຍຢ່າງ, ມີບັນດານະໂຍບາຍທີ່ເໝາະສົມ, ຄົບຊຸດກັບລະບອບຂອງ ຫວຽດນາມ ແລະ ປະຕິບັດການລົງທຶນການສຶກສາຢ່າງມີປະສິດທິຜົນ. ເບິ່ງລວມແລ້ວ, ຖັນແຖວຄູອາຈານໄດ້ພັດທະນາຢ່າງແຮງກ່ຽວກັບການບຳລຸງສ້າງດ້ານທັກສະການຝຶກອົບຮົມ, ຍົກສູງອັດຕາສ່ວນນັກຮຽນໄດ້ໄປໂຮງຮຽນຕື່ມອີກ.