ທະຫານເຮືອເຂດ 3 ຢ້ຽມຢາມເກາະໂກນກໍ້
(ພາບ: vov)
(vovworld)- ກຳປັ່ນ HQ 996 ຂອງທະຫານເຂດ 4 ຫາກໍ່ໄດ້ສົ່ງບັນດາປະເພດສິນຄ້າຈຳເປັນໃນໂອກາດບຸນປີໃໝ່ປະຈຳຊາດໄປຍັງເກາະຊອງຕື້ໄຕ ຂຶ້ນກັບເຂດໝູ່ເກາະເຈື່ອງຊາ ແຂວງແຄງຮວາ. ທ່ານພັນໂທ ຫງວຽນຈ້ອງບິ່ງ, ກຳມະການການເມືອງເກາະຊອງຕື້ໄຕ ໃຫ້ຮູ້ວ່າ: ວຽກງານກະກຽມຕອນຮັບບຸນປີໃໝ່ປະຈຳຊາດ, ປີມະເມັຍ 2014 ໄດ້ປະຕິບັດສຳເລັດແລ້ວ:
“ປີນີ້, ພວກຂ້າພະເຈົ້າຈະຈັດບຸນປີໃໝ່ປະຈຳຊາດຢ່າງເບີກບານມວ່ນຊື່ນ ແລະ ອົບອຸ່ນທີ່ສຸດ ເພື່ອໃຫ້ພະນັກງານນັກຮົບຮູ້ສຶກຄືວ່າໄດ້ຕ້ອນຮັບບຸນປີໃໝ່ພ້ອມກັບຄອບຄົວໃນເຂດດິນຕໍ່ແຜ່ນ. ພວກຂ້າພະເຈົ້າກໍ່ຈະໂທລະສັບມາຄອບຄົວຂອງພະນັກ ງານນັກຮົບແຕ່ລະຄົນເພື່ອອວຍພອນປີໃໝ່ ແລະ ແຈ້ງບັນຍາກາດຕ້ອນຮັບບຸນປີໃໝ່ຢູ່ເກາະ ເພື່ອໃຫ້ຄອບຄົວເຂົາເຈົ້າມີຄວາມອຸ່ນອ່ຽນໃຈ, ຜ່ານນັ້ນຈະເຊື່ອມຕໍ່ອາລົມຈິດຄວາມຮັກແພງລະຫວ່າງຄອບຄົວກັບກົມກອງ, ລະຫວ່າງເຂດດິນຕໍ່ແຜ່ນ ແລະ ເຂດໝູ່ເກາະທີ່ຫ່າງໄກ“.
ຕອນເຊົ້າວັນທີ 10/1, ກອງບັນຊາທະຫານເຂດ 3 ໄດ້ໄປຢ້ຽມຢາມ, ມອບຂອງຂວັນໃຫ້ພະນັກງານ, ນັກຮົບ ແລະ ປຊຊ ເມືອງໂກນກໍ້ ແຂວງກວາງຈິ້; ກວດກາວຽກງານກຽມພ້ອມສູ້ຮົບໃນໂອກາດບຸນປີໃໝ່ປະຈຳຊາດ, ປີມະເມັຍ 2014.ການນຳແຂວງໂກນກໍ້ ໃຫ້ຮູ້ວ່າ: ເພື່ອກະກຽມຕອນຮັບບຸນປີໃໝ່ປະຈຳຊາດ, ອຳນາດການປົກຄອງທ້ອງຖິ່ນ ແລະ ປຊຊ ໃນເກາະໄດ້ສະສົມສະບຽງອາຫານ, ທັນຍາຫານຢ່າງພຽງພໍ, ຮັບປະກັນໃຫ້ທະຫານ ແລະ ປຊຊ ຕ້ອນຮັບບຸນປີໃໝ່ດ້ວຍຄວາມອົບອຸ່ນ.
ໃນວັນດຽວກັນ, ຄະນະພະນັກງານບັນດາແຂວງເຂດທົ່ງພຽງແມ່ນ້ຳຂອງໄດ້ໄປຢ້ຽມຢາມ, ມອບຂອງຂັວນໃຫ້ພະນັກງານ, ນັກຮົບ ແລະ ປຊຊ ເກາະຕ່າງໆຂຶ້ນກັບທະຫານເຮືອເຂດ 5. ທ່ານພັນເອກຫງວຽນວັນດົງ, ຮອງຜູ້ບັນຊາການທະຫານເຮືອເຂດ 5 ຢືນຢັນວ່າ:
“ຄະນະພັກ, ອຳນາດການປົກຂອງທ້ອງຖິ່ນຂັ້ນຕ່າງໆໄປຢ້ຽມຢາມ, ອວຍພອນພະນັກງານນັກຮົບໃນເກາະແມ່ນການລະດົມກຳລັງໃຈອັນໃຫ່ຍຫຼວງ. ຍາມໃດພວກຂ້າພະເຈົ້າກໍກຽມພ້ອມສູ້ຮົບປົກປັກຮັກສາເຂດອະທິປະໄຕສັກກະລະບູຊາຂອງປະເທດຊາດ“./.