ທ່ານ Nguyen Sinh Hung ກ່າວຄຳເຫັນທີ່ກອງປະຊຸມສະພາແຫ່ງຊາດລາວຊຸດທີ 7
ທ່ານ Nguyen Sinh Hung ກ່າວຄຳເຫັນ ທີ່ສະພາແຫ່ງຊາດລາວ
(ພາບ:ອິນເຕີແນັດ)
|
( vovworld ) – ໂດຍໄດ້ສືບຕໍ່ການຢ້ຽມຢາມສັນຖະວະໄມຕີປະເທດ ສປປລາວ ຢ່າງເປັນທາງການ, ຕອນເຊົ້າວັນທີ 4/7, ທ່ານປະທານສະພາແຫ່ງຊາດຫວຽດນາມ Nguyen Sinh Hung ແລະ ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ເຂົ້າຮ່ວມວາລະປະຊຸມຄົບຄະນະທີ່ກອງປະຊຸມສະໄໝສະມັນເທື່ອທີ 3 ສະພາແຫ່ງຊາດລາວ ຊຸດທີ 7. ກ່າວຄຳເຫັນນະທີ່ນີ້, ທ່ານປະທານສະພາແຫ່ງຊາດຫວຽດນາມ Nguyen Sinh Hung ຖືວ່າ: ນີ້ແມ່ນການສະແດງຢ່າງມີຊີວິດຊີວາຂອງນ້ຳໃຈມິດຕະພາບ ສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ-ລາວ. ທ່ານປະທານສະພາແຫ່ງຊາດຫວຽດນາມ Nguyen Sinh Hung ເນັ້ນໜັກວ່າ:
“ສາຍພົວພັນລະຫວ່າງຫວຽດນາມ-ລາວ ແມ່ນສາຍພົວພັນສັດຊື່ບໍລິສຸດ ຜຸດຜ່ອງ ທີ່ຫາຍາກໂດຍປະທານໂຮ່ຈິມິນ ແລະ ປະທານໄກສອນ ພົມວິຫານ, ປະທານສຸພານຸວົງ, ການນຳລຸ້ນຕ່າງໆ ແລະ ປະຊາຊົນສອງປະເທດໄດ້ເພີ່ມພູນຄູນສ້າງ. ສາຍພົວພັນດັ່ງກ່າວໄດ້ຮັບການສືບທອດບົນເສັ້ນທາງປະຫັວດສາດອັນສະຫງ່າອົງອາດ, ແມ່ນໜື່ງໃນບັນດາປັດໃຈຕັດສິນໄຊຊະນະຂອງແຕ່ລະປະເທດ ກາຍເປັນຊັບສົມບັດອັນລ້ຳຄ່າຂອງສອງຊາດ, ຄວນຮັກສາ ແລະ ສືບທອດໃຫ້ຄົນລຸ້ນຫຼັງ“
ທ່ານປະທານສະພາແຫ່ງຊາດຫວຽດນາມ Nguyen Sinh Hung ຖືວ່າ: ສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ ໄດ້ຮັບການປັບປຸງຢ່າງບໍ່ຢຸດຢັ້ງ, ນັບມື້ນັບໄດ້ຮັບການເປີດກ້ວາງ ແລະ ພັດທະນາຢ່າງເລິກເຊິ່ງກ້ວາງຂວາງ. ສ່ວນສະພາແຫ່ງຊາດສອງປະເທດໄດ້ແບ່ງປັນບົດຮຽນ, ໜູນຊ່ວຍກັນຈັດຕັ້ງກອງປະຊຸມສາກົນສຳຄັນຢູ່ແຕ່ລະປະເທດສຳເລັດຜົນ; ຮ່ວມມືກັນຢ່າງແໜ້ນແຟ້ນ ແລະ ສະໜັບສະໜູນຊື່ງກັນ ແລະ ກັນໃນບັນດາເວທີປາໄສສາກົນ ແລະ ພາກພື້ນ. ທ່ານປະທານສະພາແຫ່ງຊາດຫວຽດນາມ Nguyen Sinh Hung ກ່າວວ່າ:
“ໃນໄລຍະພັດທະນາໃໝ່ໃນປະຈຸບັນ, ເລື່ອງສືບຕໍ່ເພີ່ມທະວີ, ພັດທະນາສາຍພົວພັນແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ ບໍ່ພຽງແຕ່ແມ່ນຄຳຮຽກຮ້ອງພັດທະນາພາວະວິໄສເທົ່ານັ້ນ ຫາກຍັງແມ່ນຄວາມມຸ້ງຫວັງຂອງປະຊາຊົນ, ແມ່ນຄວາມຮັບຜິດຊອບຂອງການນຳແຕ່ລະປະເທດ ແລະ ກໍ່ແມ່ນປັດໄຈຮັບປະກັນການປະຕິບັດພາລະກິດສ້າງສາ, ປົກປັກຮັກສາ ແລະ ພັດທະນາແບບຍືນຍົງ, ເຊື່ອມໂຍງເຂົ້າກັບສາກົນສຳເລັດຜົນຂອງແຕ່ລະປະເທດອີກດ້ວຍ. ຂ້າພະເຈົ້າເຊື່ອໝັ້ນຢ່າງແນ່ວແນ່ວ່າ, ດ້ວຍມູນເຊື້ອທີ່ຖືກທົດສອບຜ່ານປະຫວັດສາດ ພ້ອມກັບບັນດາຜົນງານທີ່ບັນລຸໄດ້ລະຫວ່າງສອງປະເທດ, ການພົວພັນລະຫວ່າງຫວຽດນາມ-ລາວຈະະຍືນຍົງຄົງຕົວຕະຫຼອດໄປ “.