(vovworld) - ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໂດຍທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ນຳໜ້າ, ທີ່ພວມໄປຢ້ຽມຢາມ ແລະ ເຮັດວຽກຢູ່ຣູມານີ ແຕ່ວັນທີ 03 – 07 ກັນຍາ. ໃນໄລຍະເຮັດວຽກຢູ້ນະຄອນຫຼວງ ບູກາແຣັດ, ຄະນະຜູ້ແທນໄດ້ມີການພົບປະເຈລະຈາກັບທ່ານຮອງປະທານສະພາສູງໂຊມາເນຍ Cristian Dumitrescu, ພົບປະກັບສະມາຊິກສະພາຫຼາຍທ່ານ ເຊິ່ງແມ່ນການນຳຂອງບັນດາກຳມາທິການສະພາຕຳ ຣູມານີ. ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ເຊື່ອນໝັ້ນວ່າ ການເຂົ້າຮ່ວມຂອງຣູມານີ ໃນສະຫະພາບເອີລົບ (EU) ພວມປະກອບສ່ວນຊຸກຍູ້ການພົວພັນຮ່ວມມືລະຫວ່າງ 2 ຝ່າຍເວົ້າສະເພາະ ແລະ ລະຫວ່າງ EU ກັບ ຫວຽດນາມເວົ້າລວມ. ທ່ານນາງຮອງປະທານສະພາແຫ່ງຊາດ ປາດຖະໜາວ່າ ໃນໄລຍະຈະມາເຖິງ 2 ຝ່າຍສືບຕໍ່ແລກປ່ຽນບົດຮຽນ, ເພີ່ມທະວີການພົວພັນລະຫວ່າງສະມາຊິກສະພາແຫ່ງຊາດ 2 ປະເທດ, ປະກອບສ່ວນປັບປຸງ ແລະ ເພີ່ມທະວີຄວາມເຂົ້າໃຈ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ສ້າງພື້ນຖານເພື່ອຮັດແໜ້ນການພົວພັນລະຫວ່າງ 2 ປະເທດໃນຫຼາຍຂົງເຂດກວ່າອີກ. ທ່ານນາງຮອງປະທານສະພາແຫ່ງຊາດສະເໜີໃຫ້ຣູມານີ ສະໜັບສະໜູນຫວຽດນາມ ໃນການເຈລະຈາກ່ຽວກັບສັນຍາການຄ້າເສລີລະຫວ່າງຫວຽດນາມ - EU.
ສ່ວນທ່ານຮອງປະທານ Dumitrescu ຢືນຢັນນະໂຍບາຍການຕ່າງປະເທດຂອງ ຣູມານີ, ຫວຽດນາມ ແມ່ນຂົວເຊື່ອມຕໍ່ເພື່ອໃຫ້ຣູມານີ ເພີ່ມທະວີການພົວພັນກັບບັນດາປະເທດອາຊີຕາເວັນອອກສ່ຽງໃຕ້ ແລະ ກົງກັນຂ້າມ ຣູມານີ ພ້ອມແລ້ວທີ່ຈະເປັນຂົວເຊື່ອມຕໍ່ເພື່ອໃຫ້ຫວຽດນາມ ຊຸກຍູ້ການຮ່ວມມືກັບ EU. ການນຳສະພາສູງໂຊມາເນຍ ຕີລາຄາສູງແຜນນະໂຍບາຍ ແລະ ຄວາມຕັດສິນໃຈຂອງຫວຽດນາມ ເພື່ອແນໃສ່ສືບຕໍ່ປ່ຽນໃໝ່, ສ້າງໂຄງປະກອບພື້ນຖານເສດຖະກິດຄືນໃໝ່, ຕັ້ງໜ້າ, ເປັນເຈົ້າການເຊື່ອມໂຍງເຂົ້າກັບສາກົນຢ່າງເລີກເຊິ່ງ ແລະ ກວ້າງຂວາງກວ່າ, ກໍ່ຄືມານະພະຍາຍາມຮັບປະກັນເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້ ແລະ ຮັບປະກັນຊີວິດສັງຄົມ.