ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ພິທີ

ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ເນັ້ນໜັກວ່າ ບັນດາຕູ້ຄອນເທນເນີບັນທຸກສິນຄ້າສົ່ງອອກໃນຕົ້ນລະດູບານໃໝ່ປີແມວ 2023 ນີ້ ໄດ້ເຈືອຈານເຂົ້າໃນຄວາມຫວັງ, ຄວາມເຊື່ອໝັ້ນຕໍ່ການເຄື່ອນໄຫວສົ່ງອອກທີ່ຄຶກຄື້ນ, ປະສົບຜົນສຳເລັດຂອງທັງປີ, ດ້ວຍວົງເງິນການເຕີບໂຕຢ່າງແຮງ. ທ່ານນາຍົກລັດຖະມົນຕີ ໃຫ້ຮູ້ວ່າ ປີນີ້, ສະພາບການເສດຖະກິດໂລກ ກໍຄື ຢູ່ພາຍໃນປະເທດ ຍັງມີການຜັນແປສັບສົນຫຼາຍຢ່າງ, ຍາກທີ່ຈະຄາດຄະເນລ່ວງໜ້າໄດ້; ໃນນັ້ນ ຄວາມຫຍຸ້ງຍາກ ແລະ ສິ່ງທ້າທາຍຈະຫຼາຍກວ່າເກົ່າ. ເຖິງຢ່າງໃດກໍຕາມ, ຫວຽດນາມ ຍັງມີຄວາມເຊື່ອໝັ້ນວ່າຈະປະຕິບັດສຳເລັດຫຼາຍເປົ້າໝາຍພັດທະນາເສດຖະກິດ, ສັງຄົມ: ຮັກສາສະພາບການເສດຖະກິດມະຫາພາກທີ່ເປັນປົກກະຕິ, ໄພເງິນເຟີ້ໄດ້ຮັບການຄວບຄຸມ, ຊຸກຍູ້ການເຕີບໂຕ ແລະ ຮັບປະກັນບັນດາຄວາມດຸ່ນດ່ຽງໃຫຍ່ຂອງພື້ນຖານເສດຖະກິດ. ທ່ານເຊື່ອໝັ້ນວ່າ ປີນີ້ ຈະສືບຕໍ່ເປັນປີບັນລຸຜົນສຳເລັດສຳລັບບໍລິສັດໃຫຍ່ ເຕິນກາງໄຊງ່ອນ ດ້ວຍຜົນງານທີ່ພົ້ນເດັ່ນ ແລະ ບັນລຸຫຼາຍຂີດໝາຍເຕີບໂຕໃໝ່, ມຸ່ງໄປເຖິງເປົ້າໝາຍກາຍເປັນ “ກຸ່ມບໍລິສັດເສດຖະກິດ - ປ້ອງກັນຊາດແຖວໜ້າຂອງ ຫວຽດນາມໃນຂົງເຂດເສດຖະກິດທະເລ ແລະ ການບໍລິການ logistics; ເປັນເຄື່ອງໝາຍການຄ້າທີ່ມີຄວາມໄວ້ເນື້ອເຊື່ອໃຈ ແລະ ມີຄຸນນະພາບໃນທົ່ວໂລກ”.

ຫວູຄວຽນ.