ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ ຕ້ອນ​ຮັບ ທ່ານHenry Keswick, ປະ​ທານ​ກຸ່ມ​ບໍ​ລິ​ສັດ Jardines Matheson   ພາບ:TTXVN

(vovworld)- ວັນ​ທີ 17/2, ກ່າວ​ຄຳ​ເຫັນ​ທີ່​ການ​ຕ້ອນ​ຮັບ​ທ່ານ Henry Keswick, ປະ​ທານ​ກຸ່ມ​ບໍ​ລິ​ສັດ Jardines Matheson ລາ​ຊະ​ອາ​ນາ​ຈັກ​ອັງ​ກິດ, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ ປາດ​ຖະ​ຫນາ​ຢາກ​ກຸ່ມ​ບໍ​ລິ​ສັດ​ສືບ​ຕໍ່​ເປີດກວ້າງ​ການ​ຜະ​ລິດ​ດຳ​ເນີນ​ທຸ​ລະ​ກິດ​ຢູ່​ຫວຽດ​ນາມ, ປະ​ກອບ​ສ່ວນ​ເຂົ້າ​ໃນ​ການ​ຊຸກ​ຍູ້​ການ​ພົວ​ພັນ​ລະ​ຫວ່າງ​ສອງ​ປະ​ເທດ. ທ່ານ​ນາ​ຍົກ​ລັດ​ຖະ​ມົນ​ຕີ ເນັ້ນ​ຫນັກ​ວ່າ: ລັດ​ຖະ​ບານ ຫວຽດ​ນາມ ໄດ້ ແລະ ພວມ​ຜັນ​ຂະ​ຫຍາຍ​ຫລາຍ​ມາດ​ຕະ​ການ ສ້າງ​ສະ​ພາບ​ແວດ​ລ້ອ​ມ​ແຫ່ງ​ການ​ດຳ​ເນີນ​ທຸ​ລະ​ກິດ​ຢ່າງ​ສະ​ດວກ, ມີ​ລ​ັກ​ສະ​ນະ​ແກ້ງ​ແຍ້ງ, ສອດ​ຄ​ອ່ງ​ກັບ​ມາດ​ຖານ​ສາ​ກົນ ແລະ​ບັນ​ດາ​ຄຳ​ໝັ້ນ​ສັນ​ຍາ​ດ້ານ​ການ​ຄ້າ​ຢ່າງ​ເສ​ລີ ຊື່ງ​ຫວຽດ​ນາມ ເຂົ້າ​ຮ່ວມ ເພື່ອ​ສ້າງ​ເງື່ອນ​ໄຂ​ສະ​ດວກ​ໃຫ້​ແກ່​ບັນ​ດາ​ວິ​ສາ​ຫະ​ກິດ​ຕ່າງ​ປະ​ເທດລົງ​ທຶນ, ດຳ​ເນີນ​ທຸ​ລະ​ກິດ​ຢູ່​ຫວຽດ​ນາມ. ທ່ານ​ນາ​ຍົກ​ລັດ​ຖະ​ມົນ​ຕີ​ຊົມ​ເຊີຍ ກຸ່ມ​ບໍ​ລິ​ສັດ Jardines Matheson  ດ້ວຍ​ການ​ເຄື່ອນ​ໄຫວ​ຫລາຍ​ຢ່າງ​ກ່ຽວ​ກັບ​ການ​ລົງ​ທຶນ​ດຳ​ເນີນ​ທຸ​ລະ​ກິດ​ຫລາຍ​ຮູບ​ຫລາບ​ແບບ​ໃນ​ໂລກ ແລະ ໃຫ້​ເຫັນ​ວ່າ: ລັດ​ຖະ​ບານ ແລະ ບັນ​ດາ​ອົງ​ການ​ຂອງ​ຫວຽດ​ນາມ ຈະ​ສືບ​ຕໍ່​ສ້າງ​ເງື່ອນ​ໄຂ​ສະ​ດວກ​ເພື່ອ​ໃຫ້​ກຸ່ມ​ບໍ​ລິ​ສັດ​ເປີດກວ້າງ​ບັນ​ດາ​ການ​ເຄື່ອນ​ໄຫວ​ດຳ​ເນີນ​ທຸ​ລະ​ກິດ ແລະ ການ​ລົງ​ທຶນ​ຢູ່​ຫວຽດ​ນາມ.

ສ່ວນ​ທ່ານ Henry Keswick ໃຫ້​ຮູ້​ວ່າ: ກຸ່ມ​ບໍ​ລິ​ສັດ Jardines Matheson  ​ມີ​ແຜນ​ນະ​ໂຍ​ບາຍ​ລົງ​ທຶນ, ເຄື່ອນ​ໄຫວ​ຢ່າງ​ຍາວ​ນານ​ຢູ່​ຫວຽດ​ນາມ ແລະ ປາດ​ຖະ​ຫນາ​ວ່າ ທ່ານ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ບານ ແລະ ບັນ​ດາ​ອົງ​ການ​ກ່ຽວ​ຂ້ອງ​ຂອງ​ຫວຽດ​ນາມ ຈະ​ສື​ບ​ຕໍ່​ສ້າງ​ເງື່ອນ​ໄຂ​ສະ​ດວກ​ໃຫ້​ແກ່​ກຸ່ມ​ບໍ​ລິ​ສັດ.