ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ​
ຕ້ອນຮັບ​ທ່ານ Ricardo Hausmann

(vovworld) – ​ ​ ຕອນ​ບ່າຍ​ວັນ​ທີ 30/06 ທີ່​ການ​ຕ້ອນຮັບ​ທ່ານ Ricardo Hausmann ຜູ້ອຳນວຍການ​ສູນ​ພັດທະນາ​ສາກົນ​ຂອງ​ມະຫາວິທະຍາ​ໄລ Havard ພ້ອມ​ທັງ​​ແມ່ນ​ສາດສະດາຈານ​ຂອງ​ໂຮ​ງຮຽນ​ຄຸ້ມ​ຄອງ​​ລັດ Hennedy ຂຶ້ນ​ກັບ ມະຫາວິທະຍາ​ໄລ Havard, ທ່ານ​ນາ​ຍົກກ​ລັດຖະມົນຕີ ຫວຽດນາມ ຢືນຢັນ​ວ່າ: ດ້ວຍ​ບັນດາ​ສັນຍາ​ການ​ຄ້າ​ເສລີ​ໄດ້​ລົງ​ນາມ​ແລ້ວ, ຫວຽດນາມ ສູ້​ຊົນ​ຈະ​ແມ່ນ​ໜຶ່ງ​ໃນ​ບັນດາ​ປະ​ເທດ​ສົ່ງ​ອອກ​ໃຫຍ່​ໃນ​ໂລກ. ສ່ວນ​ທ່ານສາດສະດາຈານ Ricardo Hausmann ຖື​ວ່າ: ຍາກທີ່​ມີ​ປະ​ເທດ​ພວມ​ພັດທະນາ​ໃດ ມີ​ລະດັບເຕີບ​ໂຕ​ສົ່ງ​ອອກ​ໄວ ​ແລະ ດີ​ເດັ່ນຄື ຫວຽດນາມ. ຫວຽດນາມ ກໍ​ໄດ້​ຮັດ​ແຄບ​ຊ່ອງ​ຫວ່າງ​ລະຫວ່າງ​ຄວາມ​ຮັ່ງມີ ​ແລະ ທຸກ​ຍາກ, ແກ້​ໄຂ​ໄດ້​ສະພາບ​ຂາດ​ຄວາມ​ສະ​ເໝີ​ພາບ​ໃນ​ສັງຄົມ.

        ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ຖື​ວ່າ: ບັນດາ​ຄຳ​ເຫັນ​ຂອງ​ສາດ​ສະ​ດາ​ຈານ Ricardo Hausmann ​ແມ່ນຖືກຕ້ອງ ​ແລະ ​ເລິກ​​ເຊິ່ງທີ່​ສຸດ ກ່ຽວ​ກັບ​ສະພາບ ຫວຽດນາມ. ລັດຖະບານ ຈະ​ຮັບ​ຟັງ ​ແລະ ໝູນໃຊ້​ໃນ​ໄລຍະ​ກາງ ​ແລະ ​ໄລຍະ​ຍາວ ​ເພື່ອທັງ​ເປັນ​ການ​ດຶງ​ດູດ​​ເອົາບັນດາ​ນັກ​ລົງທຶນ​ເຂົ້າ ຫວຽດນາມ ​ແລະ ທັງ​ດຶງ​ດູດ​ໄດ້​ເຕັກ​​ໂນ​ໂລ​ຢີສູງ ​ເພື່ອ​ແນ​ໃສ່ນຳ ຫວຽດນາມ ກາຍ​ເປັນ​ໜຶ່ງ​ໃນ​ບັນດາ​ປະ​ເທ​ດສົ່ງ​ອອກ​ໃຫຍ່​ໃນ​ໂລກ.