ທ່ານນາຍົກລັດຖະມົນຕີຫງວຽນເຕີນຢູງປະກາດຄຳສັ່ງລົງມືກໍ່ສ້າງເຂດປະສົມກັ່ນນ້ຳມັນງິີເຊີນ
(vovworld)- ເຂດປະສົມກັ່ນນ້ຳມັນ ງີເຊີນ ຢູ່ເຂດເສດຖະກິດ ງີເຊີນ ເມືອງ ຕີ້ງຢາ ແຂວງ ແທງຮ່ວາ ມີຍອດລະດັບການລົງທຶນກວ່າ 9 ຕື້ USD ໄດ້ຮັບການສ້າງຕັ້ງຂຶ້ນຕາມສັນຍາຮ່ວມທຸລະກິດລະຫວ່າງ ກຸ່ມບໍລິສັດນ້ຳມັນອາຍແກສ (PVN), ບໍລິສັດນຳ້ມັນອາຍແກສ ສາກົນ ຄູເວດ, ບໍລິສັດ Idemitsu Kosan ຂອງຍີ່ປຸ່ນ ແລະ ບໍລິສັດເຄມີ Mitsui ຂອງຍີ່ປຸ່ນ ພ້ອມກັນປະກອບທຶນ.
ທ່ານນາຍົກລັດຖະມົນຕີ ຫງວຽນເຕີນຢູງກ່າວຄຳເຫັນທີ່ພິທີ
|
ກ່າວຄຳເຫັນທີ່ພິທີລົງມືກໍ່ສ້າງໃນຕອນເຊົ້າວັນທີ 23/10, ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນ: ໂຄງການເຂດປະສົມກັ່ນນຳ້ມັນ ງີເຊີນ ແມ່ນກິດຈະກຳສຳຄັນແຫ່ງຊາດກ່ຽວກັບນ້ຳມັນອາຍແກສ, ມີຄວາມໝາຍສຳຄັນໃນການປະຕິບັດຍຸດທະສາດພັດທະນາເສດຖະກິດສັງຄົມ ແລະ ຄ້ຳປະກັນດ້ານພະລັງງານຂອງຫວຽດນາມ. ນີ້ແມ່ນເຂດກັ່ນນຳ້ມັນໃຫຍ່ກວ່າໝູ່ ຂອງຫວຽດນາມ ມາຮອດຈຸດເວລານີ້ ແລະ ໄດ້ນຳໃຊ້ເຕັກໂນໂລຊີທັນສະໄຫມທີ່ສຸດ. “ຂ້າພະເຈົ້າສະເຫນີເຈົ້າຂອງການລົງທຶນ ພ້ອມກັບທີ່ປຶກສາເຊີດຊູຄວາມຮັບຜິດຊອບ, ເຂັ້ມງວດໃນການຜັນຂະຫຍາຍປະຕິບັດບັນດາຄຳໝັ້ນສັນຍາຢ່າງຖືກຕ້ອງ ເພື່ອຮັບປະກັນລະດັບຄວາມໄວ, ຄຸນນະພາບຂອງໂຄງການນີ້. ຂ້າພະເຈົ້າສະເຫນີບັນດາກະຊວງ, ຂະແຫນງການກ່ຽວຂ້ອງຂອງຫວຽດນາມ ສົມທົບກັບແຂວງແທງຮວາ, ເຈົ້າຂອງການລົງທຶນພ້ອມກັນແກ້ໄຂຄວາມຫຍຸ້ງຍາກ, ຂໍ້ຕິດຂັດ, ຕິດຕາມກວດກາຢ່າງໃກ້ຊິດເພື່ອຊຸກຍູ້ໂຄງການ.”