ທ່ານນາຍົກລັດຖະມົນຕີຫງວຽນເຕິ້ນຢຸ້ງເຮັດວຽກກັບການນຳແຂວງກວາງຈິ້
(ທ່ານນາຍົກລັດຖະມົນຕີຫງວຽນເຕິ້ນຢຸ້ງເຮັດວຽກກັບການນຳແຂວງກວາງຈິ້)
(vovworld) - ຕອນບ່າຍວັນທີ 10/11, ຢູ່ຮ່າໂນ້ຍ, ທ່ານນາຍົກລັດ ຖະມົນຕີຫງວຽນເຕິ້ນຢຸ້ງ ໄດ້ມີການເຮັດວຽກ ກັບການນຳຫຼັກແຫຼ່ງຂອງແຂວງກວາງຈິ້ ເພື່ອແນໃສ່ແກ້ໄຂບັນດາຂໍ້ຕິດຄັດ, ຄວາມຫຍຸ້ງຍາກຂອງເຂດເສດຖະກິດ-ການຄ້າພິເສດລາວບາວ.
ທ່ານນາຍົກລັດຖະມົນຕີຫງວຽນເຕິ້ນຢຸ້ງ ເນັ້ນໜັກວ່າ: ກວາງຈິ້ ແມ່ນເຂດດິນແດນທີ່ມີມູນເຊື້ອຮັກຊາດ, ການປະຕິວັດ ແລະ ກໍ່ແມ່ນເຂດດິນແດນທີ່ໄດ້ຮັບຄວາມເສຍຫາຍຫຼາຍຢ່າງ, ຖືກສົງຄາມທຳລາຍຢ່າງໜັກໜ່ວງ. ຍາມໃດ ພັກ, ລັດ ກໍ່ສະຫງວນຄວາມເອົາໃຈໃສ່ພິເສດຕໍ່ກວາງຈິ້; ຈາກແຫຼ່ງທຶນໜູນຊ່ວຍຂອງສູນກາງ ແລະ ຄວາມມານະພະຍາຍາມຂອງທ້ອງຖິ່ນ, ໃນໄລຍະເວລາຜ່ານມາ, ກວາງຈິ້ ບັນບຸໄດ້ບັນດາໝາກຜົນຢ່າງຮອບດ້ານພໍສົມຄວນໃນພາລະກິດສ້າງສາ ແລະ ພັດທະນາເສດຖະກິດ-ສັງຄົມ. ທ່ານນາຍົກລັດຖະມົນຕີຫງວຽນເຕິ້ນຢຸ້ງ ປາດຖະໜາວ່າ: ກວາງຈິ້ ຈະສືບຕໍ່ເສີມຂະຫຍາຍມູນເຊື້ອຮັກຊາດ ແລະ ການປະຕິວັດ, ນຳ້ໃຈສາມັກຄີ, ເອກະພາບ; ມີຄວາມມານະພະຍາຍາມໃນການຂຸດຄົ້ນຄວາມສາມາດບົ່ມຊ້ອນ, ທ່າໄດ້ປຽບຂອງທ້ອງຖິ່ນກ່ວາອີກ ເພື່ອສືບຕໍ່ບືນຕົວຂຶ້ນໃນພາລະກິດສ້າງສາ ແລະ ພັດທະນາເສດຖະກິດ-ສັງຄົມ, ສ້າງການພັດທະນາຢ່າງສະໝຳ່ສະເໝີໃນທຸກຂົງເຂດ.