ທ່ານປະທານປະເທດ ເຈືອງເຕີນຊາງ ໂອ້ລົມສົນທະນາ ກັບນັກສຶກສານະຄອນ ດ່າໜັງ
ທ່ານປະທານປະເທດ ເຈືອງເຕີນຊາງ ໄດ້ລົງຢ້ຽມຢາມ ແລະ ມອບຂອງຂວັນໃຫ້ພະນັກງານ, ວິສາວະກອນ ແລະ ກຳມະກອນທີ່ພວມກໍ່ສ້າງຂົວ ຣົ່ງ
(vovworld) - ຕອນເຊົ້າວັນທີ 9/1, ເນື່ອງໃນໂອກາດສະເຫຼີມສະຫຼອງວັນມູນເຊື້ອນັກຮຽນ - ນັກສຶກສາ, ຢູ່ນະຄອນ ດ່າໜັງ, ທ່ານປະທານປະເທດ ເຈືອງເຕີນຊາງ ມີການໂອ້ລົມສົນທະນາກັບນັກສຶກສາມະຫາວິທະຍາໄລ ຢູຍເຕີນ (Duy Tan) ແລະ ບັນດາພະນັກງານທີ່ເຄີຍເຂົ້າຮ່ວມຂະບວນການນັກສຶກສາຕົວເມືອງພາກໃຕ້ ໄລຍະ 1954 – 1975. ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ ໃນສະພາບການປະຈຸບັນ, ເລື່ອງສຶກສານ້ຳໃຈຮັກຊາດໃຫ້ແກ່ລຸ້ນໜຸ່ມພວມແມ່ນວຽກງານທີ່ໜັກໜ່ວງສຳລັບລຸ້ນກ່ອນ. ທ່ານກ່າວວ່າ:
“ມື້ນີ້, ວັນທີ 9/1, ເຊິ່ງແມ່ນວັນມູນເຊື້ອຂອງນັກຮຽນ - ນັກສຶກສາຫວຽດນາມ. ເຊິ່ງແມ່ນວັນທີ່ນັກຮຽນ - ນັກສຶກສາບໍຈັກວ່າເທົ່າໃດຄົນໄດ້ເສຍສະຫຼະເລືອດເນື້ອ, ເພື່ອປະກອບສ່ວນຍາດເອົາເອກະລາດ - ເສລີພາບໃຫ້ແກ່ປະເທດຊາດທີ່ຮັກແພງ. ພັກ ແລະ ລັດ, ກໍຄືປະຊາຊົນຫວຽດນາມ ຈົດຈຳການປະກອບສ່ວນອັນໃຫຍ່ຫຼວງຂອງພະນັກງານ, ນັກຮົບຫຼາຍລຸ້ນຄົນໃນຂະບວນການນັກຮຽນ, ນັກສຶກສາພາກໃຕ້. ຂ້າພະເຈົ້າຫວັງວ່າບັນດາພະນັກງານຫຼັກແຫຼ່ງ ທີ່ຕາງໜ້າໃຫ້ຂະບວນການນັກຮຽນ - ນັກສຶກສາ, ຂອງປັນຍາຊົນ, ນັກສິລະປະໄລຍະ 1954 – 1975 ທີ່ມີໜ້າຢູ່ທີ່ນີ້, ເຖິງວ່າຍັງມີຫຼາຍສິ່ງຕ້ອງສົນໃຈ ແຕ່ຈົ່ງສືບຕໍ່ຮັກສາຄວາມເຊື່ອໝັ້ນ, ມີບັນດາການປະກອບສ່ວນຢ່າງແທ້ຈິງໃນການກໍ່ສ້າງ, ບຳລຸງສ້າງ ແລະ ສືບທອດໃຫ້ລູກຫຼານຂອງຕົນໃນມື້ນີ້ ແລະ ໃນຕະຫຼອດການ.”
ແລະກໍໃນວັນດຽວກັນ, ທ່ານປະທານປະເທດ ເຈືອງເຕີນຊາງ ໄດ້ລົງຢ້ຽມຢາມ ແລະ ມອບຂອງຂວັນໃຫ້ພະນັກງານ, ວິສາວະກອນ ແລະ ກຳມະກອນທີ່ພວມກໍ່ສ້າງຂົວ ຣົ່ງ (Rong), ທີ່ເຊື່ອມຕໍ່ໃຈກາງ ກັບບັນດາເມືອງທາງທິດຕາເວັນອອກນະຄອນ ດ່າໜັງ.