(vovworld) – “ຍູ້ແຮງບົດບາດຂອງອົງການກວດກາກວ່າອີກ ເພື່ອຍົກສູງປະສິດທິຜົນ, ຜົນສັກສິດໃນການຄຸ້ມຄອງລັດ ປະກອບສ່ວນປ້ອງກັນ, ຕ້ານການຫຍໍ້ທໍ, ສໍ້ລາດບັງຫຼວງຢ່າງມີປະສິດທິຜົນ” ແມ່ນຄຳສັ່ງຊີ້ນຳຂອງທ່ານປະທານປະເທດ ເຈືອງເຕິນຊາງ ທີ່ການເຮັດວຽກກັບອົງການກວດກາລັດຖະບານ, ເຊິ່ງດຳເນີນໄປໃນຕອນເຊົ້າວັນທີ 10/12, ຢູ່ຮ່າໂນ້ຍ. ທ່ານປະທານປະເທດ ເນັ້ນໜັກວ່າ ໃນສະພາບທີ່ປະເທດພວມເຊື່ອມໂຍງ, ຂອບຂະໜາດເສດຖະກິດນັບມື້ນັບໃຫຍ່, ອົງການກວດກາລັດຖະບານ ຕ້ອງສືບຕໍ່ເປັນເສລາທິການໃຫ້ພັກ, ລັດ, ເພີ່ມທະວີບັນດາລາຍການປະຕິບັດງານໃຫ້ຖືກຕ້ອງກັບສິດອຳນາດຂອງຕົນ, ເພື່ອແນໃສ່ຍົກສູງປະສິດທິຜົນການຄຸ້ມຄອງລັດ.
“ກອນອື່ນໝົດ, ເລື່ອງກວດກາເພື່ອແນໃສ່ເພີ່ມທະວີຜົນສັກສິດ ແລະ ປະສິດທິຜົນການຄຸ້ມຄອງລັດແມ່ນເຮັດຫຼາຍແລ້ວ, ແຕ່ການຄົ້ນພົບປະກອບສ່ວນເຂົ້າໃນການເພີ່ມທະວີ, ແກ້ໄຂບັນດາຄວາມອ່ອນດ້ອຍໃນລະບົບຄຸ້ມຄອງລັດແມ່ນບໍ່ທັນມີຫຼາຍ. ເມື່ອອົງການກວດການໄດ້ພົບເຫັນບັນດາກໍລະນີ ຕ້ອງໄດ້ຮັບການແກ້ໄຂຢ່າງເຖິງຖອງ, ເພື່ອແກ້ໄຂໂດຍທັນທີ. ເພື່ອຫຼຸດຜ່ອນການຮ້ອງຟ້ອງ ຕ້ອງຊອກຫາສາຍເຫດ, ມີຂໍ້ສະເໜີຕໍ່ອົງານທີ່ມີສິດອຳນາດ, ເພີ່ມເຕີ່ມກົນໄກ, ນະໂຍບາຍ, ປັບໄໝລົງໂທດບັນດາພະນັກງານລະເມີດກົດໝາຍ... ນີ້ກໍ່ແມ່ນໜຶ່ງໃນບັນາມາດຕະການປ້ອງກັນ, ຕ້ານການສໍ້ລາດບັງຫຼວງໂດຍພື້ນຖານ ແລະ ມີປະສິດທິຜົນ.”
ເຫັນດີຕໍ່ຂໍ້ສະເໜີກ່ຽວກັບຍຸດທະສາດພັດທະນາຂະແໜງ, ທ່ານປະທານປະເທດໄດ້ຖືວ່າ ຂະແໜງກວດກາມີບົດບາດສຳຄັນໃນການຍົກສູງປະສິດທິຜົນການຄຸ້ມຄອງລັດ ແລະ ປ້ອງກັນ, ຕ້ານການສໍ້ລາດບັງຫຼວງ. ຂະແໜງກວດກາ ຕ້ອງສົມທົບກັບບັນດາອົງການ, ຂະແໜງການຢ່າງແໜ້ນແຟ້ນ, ເພື່ອເປັນເຈົ້າການແກ້ໄຂຄວາມຫຍຸ້ງຍາກ, ຍົກສູງບົດບາດທີ່ຕັ້ງ ແລະ ປະສິດທິຜົນການປະຕິບັດວຽກງານເທື່ອລະກ້າວ, ຕອບສະໜອງຄວາມມຸ່ງມາດປາດຖະໜາຂອງປະເທດຊາດ ແລະ ປະຊາຊົນ.