(ພາບ: VOV)

    ເນື່ອງໃນໂອກາດການໄປຢ້ຽມຢາມ ສ. Armenia ຢ່າງເປັນທາງການ, ຕອນບ່າຍວັນທີ 4 ເມສາ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ໄດ້ໄປຢ້ຽມຢາມມະຫາວິທະຍາໄລສັງລວມແຫ່ງຊາດ Yerevan ແລະ ມີບົດກ່າວປາໄສສຳຄັນຢູ່ທີ່ນີ້.

    ທ່ານປະທານສະພາແຫ່ງຊາດ ເຈິ່ນແທັງເໝີ້ນ ໄດ້ເນັ້ນໜັກວ່າ: ການສຶກສາ ແລະ ບຳລຸງສ້າງ ຍາມໃດກໍ່ສວມບົດບາດແມ່ນຂົວຕໍ່ທີ່ໜັກແໜ້ນ, ແມ່ນແຫຼ່ງຫຼໍ່ລ້ຽງນ້ຳໃຈມິດຕະພາບ, ແບ່ງປັນຄວາມຮູ້ ແລະ ເປີດບັນດາການຮ່ວມມືໃໝ່ລະຫວ່າງ ຫວຽດນາມ ແລະ Armenia. ເພື່ອໃຫ້ສາຍພົວພັນຮ່ວມມືເຂົ້າສູ່ລວງເລິກ, ແທດຈິງ ແລະ ມີປະສິດທິຜົນກ່ວາ,     ທ່ານປະທານສະພາແຫ່ງຊາດ ເຈິ່ນແທັງເໝີ້ນ ສະເໜີວ່າ:

   ຄວນຍູ້ແຮງກ່ວາອີກການແລກປ່ຽນນັກສືກສາ, ຄູສອນ, ນັກຄົ້ນຄ້ວາລະຫວ່າງໂຮງຮຽນແຫ່ງນີ້ ກັບບັນດາມະຫາວິທະຍາໄລແຖວໜ້າຂອງ ຫວຽດນາມ. ນີ້ແມ່ນວິທີທີ່ດີທີ່ສຸດເພື່ອໃຫ້ລຸ້ນໜຸ່ມສອງປະເທດ ມີໂອກາດລົງຕົວຈິງ ແລະ ແມ່ນຂົວຕໍ່ວັດທະນະທຳ, ວິທະຍາສາດທີ່ໜັກແໜ້ນ. ສົ່ງເສີມການສ້າງບັນດາກິດຈະກຳຄົ້ນຄ້ວາວິທະຍາສາດລວມ, ບັນດາໂຄງການຮ່ວມມືໃນບັນດາຂົງເຂດຊື່ງສອງຝ່າຍຕ່າງກໍ່ມີຄວາມສົນໃຈ ແລະ ມີທ່າແຮງ.