ເສດຖະກິດ, ການຄ້າ ແມ່ນເສົ້າຄ້ຳສຳຄັນໃນການພົວພັນ ຫວຽດນາມ - Armenia
(VOVWORLD) - ການນຳ 2 ທ່ານຖືວ່າ, 2 ຝ່າຍຕ້ອງຊຸກຍູ້ການຮ່ວມມືດ້ານການຄ້າ - ເສດຖະກິດຢ່າງແຮງ, ສ້າງທຸກເງື່ອນໄຂສະດວກເພື່ອໃຫ້ວິສາຫະກິດ 2 ປະເທດຊອກຮູ້ຕະຫຼາດ ແລະ ເອົາໃຈໃສ່ຕໍ່ບັນດາຜະລິດຕະພັນຂອງຕົນ
 (ທີ່ການໂອ້ລົມສົນທະນາ) |
ຕອນບ່າຍວັນທີ 04 ເມສາ, ໃນຂອບເຂດບັນດາການເຄື່ອນໄຫວຂອງຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ຢູ່ ສ. Armenia. ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ແລະ ທ່ານນາຍົກລັດຖະມົນຕີ Armenia, Nikol Pashinyan ໄດ້ດຳເນີນການໂອ້ລົມສົນທະນາ.
ຢູ່ທີ່ນີ້, ການນຳ 2 ທ່ານຖືວ່າ, 2 ຝ່າຍຕ້ອງຊຸກຍູ້ການຮ່ວມມືດ້ານການຄ້າ - ເສດຖະກິດຢ່າງແຮງ, ສ້າງທຸກເງື່ອນໄຂສະດວກເພື່ອໃຫ້ວິສາຫະກິດ 2 ປະເທດຊອກຮູ້ຕະຫຼາດ ແລະ ເອົາໃຈໃສ່ຕໍ່ບັນດາຜະລິດຕະພັນຂອງຕົນ; ຊຸກຍູ້ການຮ່ວມມືໃນບັນດາຂົງເຂດໃໝ່, ຄື: ວິທະຍາສາດເຕັກໂນໂລຊີ, ນະວັດຕະກຳ, ການຫັນເປັນດີຈີຕອນ, ປັນຍາປະດິດ… ພ້ອມກັນນັ້ນ, ຕັ້ງໜ້າຜັນຂະຫຍາຍສັນຍາການຄ້າເສລີລະຫວ່າງ ຫວຽດນາມ ແລະ EAEU. ການນຳ 2 ທ່ານກໍ່ເຫັນດີເພີ່ມທະວີການເຊື່ອມຕໍ່ດ້ານຄົມມະນາຄົມ ແລະ ຂົນສົ່ງ, ການສົ່ງອອກ - ນຳເຂົ້າລະຫວ່າງ 2 ປະເທດ ແລະ ບັນດາປະເທດຢູ່ພາກພື້ນ ອາຊີ, ເອີລົບ.