(vovworld) - ​​ວັນ​ທີ 8/1, ລັດຖະບານ Venezuela ​ໄດ້​ຮັບ​ຮູ້​ວ່າ: ທ່ານ​ປະທານາທິບໍດີ​ຜູ້​ທີ່​ຫາ​ກໍ່​ໄດ້​ຮັບ​​ເລືອກ​ຕັ້ງຄືນ​ໃໝ່ Hugo Chavez ຈະ​ບໍ່​ສາມາດ​ສະບາ​ນຕົວ​ຮັບ​ຕຳ​ລົງ​ດຳ​ແໜ່​ງຕໍ່ໜ້າ​ສະພາ​ແຫ່ງ​ຊາດ​ໃນ​ວັນ​ທີ 10/1 ຈະ​ມາ​ເຖິງ​ຕາມ​ຂໍ້​ກຳນົດ​ຂອງ​ລັດຖະທຳ​ມະນູນ​ໄດ້ ​ຍ້ອນ​ສຸຂະພາບ​ບໍ​ແຂງ​ແຮງ. ​ນີ້​ແມ່​ນ​ເນື້ອໃນ​ຈົດໝາຍ​ຂອງ​ທ່ານ​ຮອງ​ປະທານາທິບໍດີ Nicolas Maduro ​ແລະ ​ທ່ານ​ປະທານ​ສະພາ​ແຫ່ງ​ຊາດ Diosdado Cabello ​​ໄດ້ແຈ້ງ​​​ໃນ​ວາລະ​ປະຊຸມ​ປະຈຳ​ເດືອນ​ຂອງ​ສະພາ​ແຫ່ງ​ຊາດ Venezuela. ​ເນື້ອ​ໃນຈົດໝາຍ​ກໍ​ໃຫ້​ຮູ້​ວ່າ: ຕາມ​ມາດຕາ 231 ຂອງ​ລັດຖະທຳ​ມະນູນ Venezuela ​ແລ້ວ, ທ່ານ​ປະທານາທິບໍດີ Chavez ຈະ​ສະບາ​ນຕົວ​ຮັບ​ດຳລົງ​ຕຳ​ແໜ່​ງຕໍ່ໜ້າ​ສານ​ສູງ​ສຸດ​ພາຍຫຼັງ​ວັນ​ທີ 10/1.

        ກ່ອນ​ໜ້າ​ນັ້ນ, ວັນ​ທີ 7/1, ທ່ານ Ernesto Villegas, ລັດຖະມົນຕີກະຊວງ​ສື່ສານ​ Venezuela ​ໃຫ້​ຮູ້​ວ່າ: ບັນດາ​ທ່ານໝໍ​ຍັງ​ສືບ​ຕໍ່​ປິ່ນປົ່ວຢ່າງ​ຕັ້ງໜ້າ ​ແລະ ​​ແກ້​ໄຂອາການອັກ​ເສບ​ປອດ ​ໃຫ້​ທ່ານ​ປະທານາທິບໍດີ Chavez ​ແລະ ປະຈຸ​ບັນ, ອາການ​ຂອງ​ທ່ານ​ພວມ​ຄ່ອຍໆ​ດີ​ຂຶ້ນ​​.​