ທ່ານຮອງນາຍົກລັດຖະມົນຕີຫງວນທ້ຽນເຍີນ
(ພາບ:vnexpress.net)
(VOV)- ຕອນບ່າຍວັນທີ 28/12, ທ່ານຮອງນາຍົກລັດຖະມົນຕີຫງວນທ້ຽນເຍີນ ໃຫ້ການຕ້ອນຮັບທ່ານພົນຕີ Bondarev Viktor Nhikolaevich ຜູ້ບັນຊາການສູງສຸດກອງທັບປ້ອງກັນອາກາດສະຫະພັນລັດເຊຍ ແລະ ທ່ານພົນຈັດຕາວາຫວາງອີສຽງ ຮອງຫົວໜ້າເສນາທິການໃຫ່ຍເຫຼົ່າທັບປ້ອງກັນອາກາດ ກອງທັບປົດປ່ອຍປະຊາຊົນ ຈີນ ຊື່ງມາຢ້ຽມຢາມຫວຽດນາມ ແລະ ເຂົ້າຮ່ວມພິທີສະເຫຼີມສະຫຼອງ 40 ປີແຫ່ງໄຊຊະນະຮ່າໂນ້ຍ-ດ້ຽນບຽນຝູທາງອາກາດ. ທ່ານຮອງນາຍົກລັດຖະມົນຕີຫງວນທ້ຽນເຍີນ ເນັ້ນໜັກວ່າ: ຍາມໃດຫວຽດນາມ ກໍ່ມີຄວາມເຄົາລົບນັບຖື ແລະ ຮູ້ບຸນຄຸນຢ່າງເລິກເຊິ່ງຕໍ່ການຊ່ວຍເຫຼືອຢ່າງສຸດຈິດສຸດໃຈທັງທາງດ້ານວັດຖຸ ແລະ ຈິດໃຈຊື່ງປະຊາຊົນ ແລະ ບັນດາກຳລັງປະກອບອາວຸດໂຊວຽດເກົ່າໃນເມື່ອກ່ອນ, ສະຫະພັນລັດເຊຍໃນປະຈຸບັນ ແລະ ປະຊາຊົນ, ບັນດາກຳລັງປະກອບອາວຸດຈີນ ໄດ້ສະຫງວນໃຫ້ແກ່ຫວຽດນາມ ໃນຊຸມເດືອນປີທີ່ຫຍຸ້ງຍາກຂອງການຕໍ່ຕ້ານເພື່ອເອກະລາດ, ເສລີພາບ, ທ້ອນໂຮມປະເທດຊາດເປັນເອກະພາບ ແລະ ສ້າງສາປະເທດຊາດ, ພີເສດ, ໃນ 40 ປີກ່ອນ, ໃນ 12 ວັນ ແລະ ຄືນທ້າຍເດືອນ 12/1972, ຂະນະທີ່ອາເມລິກາ ໄດ້ບຸກໂຈມຕີພາກເໜືອຫວຽດນາມ. ສ່ວນທ່ານພົນຕີ Bondarev Viktor Nhikolaevich ແລະ ທ່ານພົນຈັດຕະວາຫວາງອີສຽງ ລ້ວນແຕ່ໄດ້ຢືນຢັນວ່າ: ການຮ່ວມມືດ້ານປ້ອງກັນຊາດແມ່ນເສົາຄ້ຳຕົ້ນຕໍໃນການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສະຫະພັນລັດເຊຍ ແລະ ຈີນ ກັບຫວຽດນາມ.