ທ່ານ ຫງວຽນ​ທ້ຽນ​ເຍີນ ແລະ ທ່ານ ຟານ​ວັນ​ຂາຍ ພາບ:chinhphu.vn

(vovworld)- ວັນ​ທີ 29/1, ຢູ່ ນະຄອນ​ໂຮ່ຈິ​ມີນ, ທ່ານ ຫງວຽນ​ທ້ຽນ​ເຍີນ, ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ​ໄດ້​ລົງ​ຢ້ຽມຢາມ​ແລະ ອວຍພອນ​ປີ​​ໃຫມ່​ທ່ານ ຟານ​ວັນ​ຂາຍ ອະດີດ​ນາຍົກລັດຖະມົນຕີ, ທ່ານ ຮີ່ງດ໋າມ ອະດີດ​ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ທ່ານ ທ່ານ​ນາງ ​ໂງ​ທິ​ເຫ້ວ, ນັກ​ປະຕິວັດ​ອາວຸ​ໂສ. ທີ່​ການ​ພົບ​ປະ, ທ່ານ​ອະດີດ​ນາຍົກລັດຖະມົນຕີ ຟານ​ວັນ​ຂາຍ ​ແລະ ທ່ານ​ອະດີດ​ຄະນະ​ກຳມະການ​ສູນ​ກາງ​ແນວ​ໂຮ​ມປະ​ເທດ​ຊາດ​ຫວຽດນາມ ຮີ່ງດາມ ສະ​ເຫ​ນີ: ​ໃນ​ໄລຍະ​ຈະ​ມາ​ເຖິງ ​ແນວ​ໂຮມ​ປະ​ເທດ​ຊາດ​ຫວຽດນາມ ສືບ​ຕໍ່​ເສີມ​ຂະຫຍາຍ​ບົດບາດ​ຕິດຕາມ​ກວດກາ, ​ໄຈ້​ແຍກ​ຕີ​ລາຄາ​ສັງຄົມ​ເພື່ອ​ສົມທົບ​ກັບ​ລັດຖະບານ​ປະຕິບັດ​ບັນດາ​ນະ​ໂຍບາຍ​ຮັບປະກັນ​ຊີວິດ​ສັງຄົມ​ຢ່າງ​ມີ​ປະສິດທິ​ຜົນ, ພິ​ເສດ​ແມ່ນ ຄຳ​ສັ່ງ​ຂອງ​ນາຍົກລັດຖະມົນຕີ ກ່ຽວ​ກັບ​ການ​ກວດກາ​ນະ​ໂຍບາຍ​ທີ່​ມີ​ຕໍ່​ຜູ້​ມີ​ຄຸນງາມຄວາມດີ ນັບ​ແຕ່​ນີ້​ຮອດ​ປີ 2025, ​ໃນ​ສະພາບ​ປີ​ນີ້ ຫວຽດນາມ ສະ​ເຫລີ​ມສະຫລອງ 60 ປີ​ໄຊຊະນະ ດ້ຽນບຽນຝູ, 70 ປີ​ແຫ່ງ​ວັນ​ສ້າງ​ຕັ້ງ​ກອງທັບ​ປະຊາຊົນ​ຫວຽດນາມ. ທ່ານ ຫງວຽນ​ທ້ຽນ​ເຍີນ ຢືນຢັນ​ວ່າ: ຈະ​ຊີ້​ນຳ​ແນວ​ໂຮມ​ປະ​ເທດ​ຊາດ​ຫວຽດນາມ ທຸກ​ຂັ້ນ ປະຕິບັດ​ບັນດາ​ຫນ້າ​ທີ່​ຂອງ​ຕົນ​ເປັນ​ຢ່າງ​ດີ, ປະກອບສ່ວນ​ພ້ອມ​ກັບ​ປະຊາຊົນ​ທົ່ວ​ປະ​ເທດ​ຕ້ອນຮັບ​ບັນດາ​​ເຫດການ​ສຳຄັນ​ໃນ​ປີ 2014.