(vovworld) - ຕອນເຊົ້າວັນທີ 13/04, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ໄປຢ້ຽມຢາມມະຫາວິທະຍາໄລການຢາເຫ້ວ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ເອົາໃຈໃສ່ໂຮງຮຽນຍົກສູງຄຸນນະພາບການສຶກສາກວ່າອີກ ແລະ ຕີລາຄາສູງຜົນງານເຊິ່ງມະຫາວິທະຍາໄລການຢາເຫ້ວ ບັນລຸໄດ້ໃນວຽກງານບຳລຸງສ້າງ, ຕິດພັນການສຶກສາກັບການທົດລອງຕົວຈິງ, ນຳການຄົ້ນຄວ້າວິທະຍາສາດເຂົ້າໃນຊີວິດ; ພິເສດແມ່ນກໍ່ສ້າງໂຮງໝໍ ດ້ວຍ 450 ກວ່າຕຽງສຳເລດ.
ກ່ອນໜ້ານັ້ນວັນທີ 12/04, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ໄປຢ້ຽມຢາມເຂດປິນປົວສາກົນໂຮງໝໍສູນກາງເຫ້ວ ແລະ ສູນອະນຸລັກຮັກສາປູຊະນີຍະສະຖານກຸງເກົ່າເຫ້ວ. ທ່ານຮອງນາຍົກລັດຖະມົນຕີ ໄດ້ຮັບຮູ້ຄວາມມານະພະຍາຍາມຂອງອຳນາດການປົກຄອງທຸກຂັ້ນ ແລະ ປະຊາຊົນແຂວງເທື່ອທຽນເຫ້ວ ໃນວຽກງານອະນຸລັກຮັກສາບັນດາຄຸນຄ່າວັດທະນະທຳທີ່ເປັນມູນເຊື້ອໃນສະໄໝ ຫງວຽນ. ທ່ານຮອງນາຍົກລັດຖະມົນຕີ ເນັ້ນໜັກວ່າ: ກິດຈະກຳແຕ່ລະແຫ່ງນອນໃນເຂດປູຊະນີຍະສະຖານກຸງເກົ່າເຫ້ວ ໄດ້ຕິດພັນກັບວິວັດການກໍ່ສ້າງ ແລະ ພັດທະນາຂອງກຸງເກົ່າໃນສະໄໝກ່ອນ, ແຂວງເທື່ອທຽນເຫ້ວ ຕ້ອງອະນຸລັກຮັກສາ ແລະ ເສີມຂະຫຍາຍຄຸນຄ່າປະຫວັດສາດ, ວັດທະນະທຳຂອງເຂດສັງລວມປູຊະນີຍະສະຖານນີ້ໄວ້.