ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ເຈືອງຮ່ວາບິ່ງ (ພາບ: TTXVN)

ວັນທີ 18 ສິງຫາ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ເຈືອງຮ່ວາບິ່ງ ໄດ້ລົງຢ້ຽມຢາມ, ມອບຂອງຂວັນໃຫ້ແກ່ນັກຮຽນຈຳນວນໜຶ່ງທີ່ປະສົມກັບຄວາມທຸກຍາກ, ບືນຕົວຂຶ້ນຜ່ານຜ່າຄວາມຫຍຸ້ງຍາກ ແລະ ຄອບຄົວເປົ້າໝາຍນະໂຍບາຍຢູ່ເຂດຊາຍແດນຕາແສງເຕິນເລິບ, ເມືອງ ເຕິນບຽນ, ແຂວງເຕິຍນິງ. ທ່ານຮອງນາຍົກລັດຖະມົນຕີ ເຈືອງຮ່ວາບິງ ກໍ່ໄປຖະຫວາຍດອກໄມ້, ຈູດທູບທຽນຢູ່ເຂດປູຊະນີຍະສະຖານ ຖານທີ່ໝັ້ນ ລັດຖະບານປະຕິວັດຊົ່ວຄາວສາທາລະນະລັດພາກໃຕ້ ຫວຽດນາມ ໃນໄລຍະຕໍ່ສູ້ຕ້ານຈັກກະພັດອາເມລິກາ ຢູ່ຕາແສງເຕິນເລິບ.

        ທ່ານ ເຈືອງຮ່ວາບິ່ງ ໄດ້ມອບລົດຖີບ 100 ຄັນ ໃຫ້ແກ່ບັນດານັກຮຽນທີ່ປະສົບກັບຄວາມທຸກຍາກ ແລະ ບືນຕົວຂຶ້ນຜ່ານຜ່າຄວາມຫຍຸ້ງຍາກ, ດຸໝັ້ນພາກພຽນຮໍ່າຮຽນ; ຂອງຂວັນ 150 ພູດໃຫ້ແກ່ບັນດາຄອບຄົວທີ່ປະສົບກັບຄວາມທຸກຍາກ, ຄອບຄົວເປົ້າໝາຍນະໂຍບາຍ, ໜູນຊ່ວຍທຶນການສຶກສາໃຫ້ແກ່ບັນດານັກຮຽນ, ໜູນຊ່ວຍຄູອາຈານເມືອງ ເຕິນເລິບ, ໜູນຊ່ວຍໃຫ້ແກ່ຕາແສງເຕິນເລິບເພື່ອປະກອບການຕິດຕັ້ງບັນດາລະດັບໂທລະໂຄ່ງ, ການເຄື່ອນໄຫວບູລະນະປະຕິສັງຂອນ ເຂດປູສະນີຍະສະຖານ ຖານທີ່ໝັ້ນລັດຖະບານປະຕິວັດຊົ່ວຄາວ ຂອງ ສາທາລະນະລັດພາກໃຕ້ ຫວຽດນາມ, ລວມຍອດມູນຄ່າກວ່າ 1 ຕຶື້ດົ່ງ.