(vovworld) – ໂດຍສືບຕໍ່ການປະຕິບັດງານຢູ່ແຂວງ ເຊີນລາ, ເພື່ອແນໃສ່ກວດກາສະພາບການປະຕິບັດໜ້າທີ່ພັດທະນາເສດຖະກິດ - ສັງຄົມຕາມຈິດໃຈມະຕິກອງປະຊຸມໃຫຍ່ຄັ້ງທີ 11 ຂອງພັກ, ໝາກຜົນແຫ່ງການປະຕິບັດມະຕິສູນກາງຄັ້ງທີ 4 (ຊຸດທີ 11) ກ່ຽວກັບການກໍ່ສ້າງພັກ, ຕອນເຊົ້າວັນທີ 9/1, ທ່ານເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດຫວຽດນາມ ຫງວຽນຟູ໋ຈ້ອງ ເຮັດວຽກກັບພະນັກງານຫຼັກແຫຼ່ງຂອງແຂວງ.
ທີ່ການເຮັດວຽກ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງແຂວງ ເຊີນລາແມ່ນສະຖານທີ່ສຳຄັນທີ່ສຸດ, ເຊິ່ງແມ່ນແຂວງພູດອຍມີຄວາມສາມາດບົ່ມຊ້ອນ, ທ່າແຮງ, ກໍ່ຄືປະສົບຄວາມຫຍຸ້ງຍາກບົນເສັ້ນທາງພັດທະນາ. ເພື່ອປະຕິບັດສຳເລັດຈຸດໝາຍກາຍເປັນແຂວງທີ່ດີຢູ່ເຂດຕາເວັນຕົກສ່ຽງເໜືອ, ໃນ 2 ປີຈະມາເຖິງ, ແຂວງຄວນກຳນົດໜ້າທີ່ຈຸດສຸມເພື່ອສຸມໃສ່ຊີ້ນຳ ນຳພາປະຕິບັດ, ແນໃສ່ປະຕິບັດສຳເລັດຈຸດໝາຍເສດຖະກິດ, ສັງຄົມຂອງທ້ອງຖີ່ນຢ່າງມີໄຊ. ກ່ອນອື່ນໝົດ, ແຂວງ ເຊີນລາ ຄວນກວດກາ, ເພີ່ມເຕີມແຜນກຳນົດ, ປະຕິບັດຕາມແຜນກຳນົດສັງລວມທີ່ໄດ້ອະນຸມັດແລ້ວ, ເສີມຂະຫຍາຍຄວາມສາມາດບົ່ມຊ້ອນ, ທ່າແຮງຂອງແຂວງ, ຫັນປ່ຽນໂຄງປະກອບເສດຖະກິດຢ່າງແຮງ, ສຸມໃສ່ຫລຸດຜ່ອນຄວາມທຸກຍາກແບບຍືນຍົງ, ພິເສດແມ່ນຢູ່ເຂດຊົນເຜົ່າສ່ວນໜ້ອຍ, ເຂດຫ່າງໄກສອກຫຼີກ, ເຂດພູສູງປະສົບກັບຄວາມຫຍຸ້ງຍາກ... ຄຽງຄູ່ກັນນັ້ນ, ແຂວງຄວນສຸມໃສ່ປະຕິບັດບັນຫານະໂຍບາຍຊົນເຜົ່າ, ສາສະໜາ, ປະຕິບັດວຽກງານປ້ອງກັນ, ຕ້ານຢາເສບຕິດເປັນຢ່າງດີ, ຮັບປະກັນຄວາມເປັນລະບຽບຮຽບຮ້ອຍ, ສ້າງເສັ້ນຊາຍແດນສັນຕິພາບ, ມິດຕະພາບກັບປະເທດລາວ.