ທ່ານເລຂາທິການໃຫຍ່ ຫງວຽນຟູຈ້ອງ ກ່າວຄຳເຫັນທີ່ການເຮັດວຽກ
ພາບ: TTXVN
|
(vovworld) - ຕອນເຊົ້າວັນທີ 30/11, ຢູ່ສຳນັກງານສູນກາງພັກ, ກົມການເມືອງໄດ້ມີການເຮັດວຽກກັບຄະນະປະຈຳຄະນະພັກແຂວງ ແຄງຮ່ວາ ກ່ຽວກັບແຜນຮ່າງພັດທະນາຂອງແຂວງແຄງຮ່ວາ ຮອດປີ 2020
ພາຍໃຕ້ການເປັນປະທານຂອງທ່ານເລຂາທິການໃຫຍ່ ຫງວຽນຟູຈ້ອງ. ເມື່ອລາຍງານກັບກົມການເມືອງກ່ຽວກັບແຜນຮ່າງພັດທະນາແຂວງ ແຄງຮ່ວາຮອດປີ 2020, ທ່ານ ຫງວຽນຈຽນທັງ (Nguyễn Chiến Thắng) ປະທານຄະນະກຳມະການປະຊາຊົນແຂວງ ແຄງຮ່ວາ ໃຫ້ຮູ້ວ່າ: ຈຸດໝາຍຂອງແຜນຮ່າງແມ່ນສູ້ຊົນກໍ່ສ້າງແຂວງແຄງຮ່ວາໃຫ້ກາຍເປັນນະຄອນຂຶ້ນກັບສູນກາງກ່ອນປີ 2020, ແມ່ນສູນເສດຖະກິດ ວັດທະນະທຳ ການທ່ອງທ່ຽວ, ວິທະຍາສາດ ເຕັກໂນໂລຊີ, ສູນບຳລຸງສ້າງແຫລ່ງຊັບພະຍາກອນມະນຸດ ແລະ ແມ່ນບໍລິເວນຈຸດສຸມກ່ຽວກັບການປ້ອງກັນຊາດປ້ອງກັນຄວາມສະຫງົບຂອງເຂດແຄມທະເລທາງທິດໃຕ້ພາກກາງ, ເຂດໄຕງວຽນ ແລະ ຂອງທັງປະເທດ. ສູ້ຊົນບັນລຸລະດັບຈະເລີນເຕີບໂຕເສດຖະກິດຂອງແຂວງໄລຍະ 2011- 2015 ບັນລຸສະເລ່ຍແຕ່ລະປີ ຈາກ 12- 13%. ພາຍຫລັງໄດ້ຮັບຟັງຄຳເຫັນຂອງກົມການເມືອງ ແລະ ຜູ້ຕາງຫນ້າບັນດາກະຊວງ, ຂະແຫນງການຢູ່ສູນກາງ, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ສະຫລຸບວ່າ: ເລື່ອງສ້າງແຜນຮ່າງພັດທະນາແຂວງແຄງຮ່ວາຮອດປີ 2020 ແມ່ນຈຳເປັນທີ່ສຸດ. ກົມການເມືອງ ມອບໃຫ້ຄະນະກຳມະການພັກ, ລັດຖະບານເປັນເຈົ້າພາບ, ຊີ້ນຳບັນດາກະຊວງ, ຂະແຫນງການຢູ່ສູນກາງ ສຳຫລວດກວດຄືນ ພ້ອມທັງປະສານສົມທົບກັບແຂວງແຄງຮວ່າສືບຕໍ່ຄົ້ນຄ້ວາ, ສ້າງສຳເລັດແຜນຮ່າງເພື່ອຍື່ນສະເຫນີຕໍ່ກົມການເມືອງພິຈາລະນາ, ໃຫ້ຄຳເຫັນໃນໄລຍະຈະມາເຖິງ.